ناوەندی هەواڵ

 

ئەمرۆ ١٥ی ئادار، دەزگای فریاگوزاری "SOS" کە کاری رزگارکردنی کۆچبەرانە لە کەناراوەکانی ئەوروپا رایگەیاند، ٦٠ کۆچبەر کە ویستوویانە لە کەناراوەکانی لیبیاوە بەرەو ئیتاڵیا بڕۆن، بەهۆی تێکچوونی بەلەمەکەیان و مانەوە لەناو دەریادا گیانیان لەدەستدا..

 

ئاماژە بەوەشکراوە، بە هاوبەشی لەگەڵ پۆلیسی کەناراوەکانی ئیتاڵیا ئۆپەراسیۆنێکیان کردووە و ٢٥ کۆچبەرییان ڕزگار کردووە کە تەندروستییان زۆر خراپ بووە.

 

بە وتەی ڕزگاربووانی ناو بەلەمەکە، بزوێنەری بەلەمەکە لەکارکەوتووە و کۆچبەرەکان ماوەی هەفتەیەک بەبێ ئاو و خۆراک لەناو دەریادا ماونەتەوە.

 

ئەوەشخراوەتەڕووم بەشێکی ئەوانەی گیانیان لەدەستداوە ژن و منداڵن، بەڵام تا  ئێستا هیچ لایەنێک ناسنامەی کۆچبەرەکانی ئاشکرا نەکردووە و نازاندرێت خەڵکی چ وڵاتێکن.