ناوەندی هەواڵ

 

ئەندامانی تەڤگەری ژنانی ئازاد "تەژەئە" ، پارتی هەرێمە دیموکراتیکەکان "دەبەپە" ، دایکانی ئاشتی ، ئانیاکایدەر و دەم پارتی، سەردانی گۆڕی زەکیە ئەلکانیان کرد لە سوری ئامەد لە ساڵی ١٩٩٠ ئاگری لە جەستەی خۆی بەردا، بە دروشمی "نەورۆزی پیرۆز"، "شەهید نامرن" و "بژی نەورۆز" لەسەر گۆڕی زەکییە ئالکان لە بۆرنۆڤای ئیزمیر یادی کرایەوە.

 

"لە سوری ئامەد بانگی لە ژنان و کوردان کرد"

ئەمینە ئینان، چالاکوانی تەژەئە ڕایگەیاند، زەکیە ئەلکان لە ساڵی ١٩٩٠ لە ئامەد ئاگری لە جەستەی خۆی بەرداو وتی: زۆر کەس لەو کاتەدا لە نوسەیبین شەهید بوون، ئەمەش کاریگەرییەکی گەورەی لەسەر زەکیە هەبوو، کاتێک چوو بۆ ئامەد بۆ خوێندن لە زانکۆ، بەشداری لە خەبات کردو چووە سوری ئامەد و بانگی هەمووانی کردو وتی "من قبوڵی توندوتیژی و فشار ناکەم، دەبمە دەنگی ژنانی کورد و کوردستان، لە سوری ئامەد جەستەی خۆم دەسووتێنم".

 

"پەیامی زەکیە بۆ ئێمە بووە میرات"

ئەمینە ئینان جەختی لەوە کردەوە کە زەکییە جەستەی خۆی سوتاندووە بۆ ئەوەی ئاگری نەورۆز بەرز بکاتەوە و وتی: ئێمە بەو هۆشیارییەوە دژی ستەمکاری دەوەستین.