شیا کۆیی

 

کۆیە- بەدروشمی "بژی بەرخودانی ڕۆژئاوا"، "کوردستان یەک وڵاتە" "ڕۆژئاوا ڕۆژهەڵاتە" "بژیی قەسەدە" ئەمڕۆ لە شاری کۆیە خۆپیشاندان بۆ پشتیوانی بەرخۆدانی ڕۆژئاوای کوردستان بەڕێوەچوو.

 

شیرین ئەدهەم، خەڵکی حەسەکەیەو ئێستا لەکۆیە نیشتەجێیە وتی: هاتوین بۆ ئەوەی پشتگیری ڕۆژئاوا بکەین و دەستخۆشی لە خەڵکی شاری کۆیە دەکەین هاوکارمانن ولەگەڵمانن، هیواخوازم بێن بەهانامان و بارو دۆخەکە باش ببێت ئەوەش بەیەکڕیزی کرد دەکرێت.

 

شیڕن داوادەکات کە هاوپەیمانان وڵاتان بەهانای کورد بێن وتی: ئەوان ئاژەڵێک ئازاری پێ بگات لەهەموو دنیا بڵاوی دەکەنەوە بەڵام ئێمە کچ و ژنانمان دەڕفێنن و ئەشکەنجە دەدرێن بەجوابیش نایەن چونکە کوردین، زۆر دڵتەنگین وکەسیش نایەت جواب لەسەرمان.

 

ڕەجوەم محەمەد، یەکێکی دیکە لە خۆپیشاندەران کە کوردی ڕۆژئاوایا وتی: ژن و پیاو ونداڵ و گەنج و پیر هاواردەکەین بژی کورد، شەهید نامرێت، و سەربڵندی بۆ کوردوو کوردستان. کوردستان چوارپارچە نییە بەڵکو یەکە، خەڵکی ئێمە شەهید بوون بەڵام نامرن و ئێمە ناگرین،  شەڕڤانان لە پێناو ئێمەو پاراستنی ئێمە شەهید بوون.

 

ڕوناک سڵاح، سەرۆکی ڕێکخراوی ئۆسکار ،  وتی: ئەمڕۆ ئامادەین لەو خۆ پشاندانەی بۆ پشتگیری کوردستانی خۆمان لە ڕۆژئاوا، وتیشی ماف بۆ هەمو شۆێنەک هەبێ تەنیا بۆ کورد ماف نیە، هەموجیهان دەبینێ چ بەرامبەر کورد دەکرێت بەڵام بێدەگیشن.

 

چنار سەباح، ژنە چالاکوانێکی دیکەی بەشداری خۆبیشاندانەکە، وتی: ئێمە وەک کەسانی دڵسۆز ، پشتگیری هەمو کوردێکی دڵسۆز دەکەین وپێمان خۆشە کورد یەکگرتوو بن تا بتوانین سەرکەین.

 

نیگار حەمەد، بەشداربویەکی دیکەی خۆپیشاندانەکە جەختی لەوەکردەوە کە تا دوا دڵۆپەی خوێن لەگەڵ ڕۆژئاوان وتیشی:  ئەوان کوردن ئێمەش کوردین ۆ هەر کەسێک دەستدرێژی بکاتە سەر کوردێک دەستدرێژیە بۆ سەر ئێمە، بۆیە بەردەوام دەبین لە پشتیوانی کردن وبەرخودان.

 

چیمەن دەفیق، بەرپرسی یەکێتی ژنانی لقی کۆیە وتی: ئێمە بەیەک دەنگ و بەیەک ڕەنگ پشتیوانی لەخوشک وبرایانمان دەکەین لە ڕۆژئاوا، هیوادارین سەرکەوتن بۆ هەمووان بێت.

 

ئاڤێستا فاخیر، بەشداربوویەکی دیکە وتی:وەگ گەنجێکی شاری کۆیە هاتووم تا پشتگیری لە کوردانی ڕۆژئاوا بکەم، هەر کوردێک لەهەرشوێنێکی دنیا بێت پێویستە ئێمە پشتگیریان بکەین و پارێزگاری لەمافەکانمان بکەین.