حەنان حارت

 

مەغریب- لە مەغریب، دوایین گۆڕینی وەزیرەکان و نوێنەرایەتیکردنی ژنان لە ئەنجومەنی ڕاوێژکاران، جارێکی دیکە تێکۆشانی مافەکانی ژنانی هێنایە بەرنامەی کار. خەدیجە رەباح، چالاکوانی مافی مرۆڤ و ئەندامی کۆمەڵەی دیموکراتی ژنانی مەغریب، بەشداری ژنان لە سیاسەت و کەموکوڕییەکانی جێبەجێکردنی ڕەگەزی یەکسانی هەڵسەنگاند.

 

خەدیجە رەباح ڕایگەیاند، سەرەڕای پێشبینییەکانی ڕێساکانی یەکسانی لە دەستووری مەغریب، ئەم ڕێسایە بە ئەندازەی پێویست لە پێکهێنانی حکومەت و لە ئەنجومەنی ڕاوێژکاران جێبەجێ نەکراوە، نەبوونی وەزیر و نەبوونی ژنان لە میکانیزمی بڕیاردانیشدا دۆخەکەی بەو ئاقارەدا بردووە.

 

"لە حکومەتی نوێدا ٦ وەزیر هەیە"

خەدیجە رەباح باسی لەوەکرد، مەغریب لەم دواییانەدا شاهیدی گۆڕانکاری بەرفراوانی وەزیرەکان بووە کە ژمارەی وەزیرەکانی حکومەت لە ٢٤ وەزیرەوە بۆ ٣٠ وەزیر زیادی کردووە، بەم گۆڕانکارییە ١٤ وەزیری نوێ دەستیان بە ئەرکەکانیان کردووە. ٦ وەزیری ژن لە حکومەتدا هەم. ئەم ڕێژەیە لەدەستدانی خەونێکی تەواوە بۆ ژنان و وتیشی: چاوەڕێی گۆڕینی ئەم حکومەتە بووین، بەڵام خەیاڵەکانمان تێکچوون. ئەوەی چاوەڕێمان دەکرد بەدەستمان نەهێنا، پێکهاتەی حکومەت بە شێوەی بڕیاری سێ لەسەر سێ وەک یەک بوو.

 

''بە پێ پێویست ئیرادە نییە''

لە درێژەی قسەکانیدا وتی: پێویستە هێزە سیاسییەکان کار لەسەر بەشداری زیاتری ژنان بکەن، لە زۆرێک لە وڵاتان، وەک مەغریب، نایەکسانی جێندەری دەبێتە هۆی ئەوەی ژنان کەمتر بەشداری لە ژیانی سیاسی و ئابووریدا بکەن، پارتە سیاسییەکان و حکومەت ئیرادەی پێویستیان بۆ زیادکردنی ژمارەی ژنان لە سیاسەتدا نیشان نەداوە.

 

"دەبێت هەنگاو بنێیت"

خەدیجە رەباح داوای کرد دەستووری بنەڕەتی مەغریب بۆ کاراکردنی گۆڕانکارییەکانی پەیڕەوی ناوخۆی یەکسانی بکرێت و وتی: ئەگەر ڕێز لە میکانیزمەکانی یەکسانی نەگیرێت، یەکسانی ڕوونادات. هەمیشە دەبێت ڕەچاوی دۆخی ئێستا بکرێت و هەنگاو بنرێت بۆ یەکسانی.

 

"بەهێزبوون بە ئامادەبوونی ژنان بەدەستدێت"

خەدیجە رەباح وتی: ڕێگایەکی دوور و درێژمان ماوە بۆ گەیشتن بە یەکسانی. ئەگەر پێشکەوتنیش هەبێت، بە پێی ئەو شێواز و خێراییە نییە کە ئێمە وەک بزووتنەوەکانی ژنان لە مەغریب دەمانەوێت، ئێمەی ژنان تەنها کورسیمان ناوێت، گرنگ نییە چی ڕوودەدات، دەمانەوێت ژنان لە پۆستی بڕیارداندا هەبن. جگە لەوەش ئێمە دەمانەوێت بەشدارییەکی سیاسی بکەین کە کاریگەری ڕاستەوخۆی لەسەر سیاسەتەکان هەبێت. ئێمە دەمانەوێت پرسی ژنان بخرێتە ناو سیاسەتەکانی کۆمەڵگە و پڕۆژەکانەوە، بەهێزکردنی سیاسەتی دروست تەنها بە ئامادەبوونی ژنان دەکرێت.