ناوەندی هەواڵ

 

ئەندامانی ئەنجومەنی دایکانی ئاشتی ئامەد لە باڵەخانەی کۆمەڵەکەیان سەبارەت بە هێرشەکانی سەر گەڕەکی ئەشرەفییە و شێخ مەقسودی شاری حەلەب لێدوانێکیان دا.

 

مورڤەت دەمیرێ بەناوی دایکانەوە لێدوانێکی داو ئاماژەی بەوەکرد، سبەی بۆ کۆتاییهێنان بە شەڕ و بەرقەرارکردنی ئاشتی بەرەو ئەنقەرە بەڕێدەکەون و وتی: لە هێرشەکاندا خەڵکێکی زۆر کوژران و برینداربوون، ئێمە لەگەڵ بەرخۆدان لە حەلەب وەستاوین. هەروەها کاردانەوەی بەرامبەر دەوڵەتی تورکیا نیشان دا و وتی: بۆچی پشتگیری داعش دەکەن؟ واز لەم پشتیوانییە بهێنن.

 

مورڤەت دەمیرێ داوای کرد دەستبەجێ دەسەڵاتداران هەنگاو بنێن بۆ ڕێگریکردن لە شەڕەکە و سبەی کاتژمێر ٢:٠٠ی پاشنیوەڕۆ لە پارکی کۆشویۆلۆ کۆببنەوە و بەرەو ئەنقەرە دەڕۆن.

 

ئیلح

هەروەها ئەنجومەنی دایکانی ئاشتی ئیلح لە هەمان بۆنەدا لە باڵەخانەکەیدا لێدوانێکی دا. ئەلیف توگلوک تومور بەناوی دایکانەوە قسەی کرد و داوای کۆتایی هێنان بە هێرشەکانی کرد. ئەلیف توگلووک تومور وتی" هەم ئاشتی و هەم شەڕ لە ئەنقەرەدایە، هەر بۆیە دەچینە ئەنقەرە.