ناوەندی هەواڵ

 

مایکرۆپلاستیکەکان لە یاری منداڵان کۆمەڵێک کێشەی تەندروستی لە منداڵان گەشەپێدەدەن، ئەم ماددە کیمیاییانە پەیوەندییان بە کێشەی تەندروستی جۆراوجۆرەوە هەیە وەکو زاوزێ و قەڵەوی، کێشەی ئەندامەکان، تەنانەت دواکەوتنی گەشەکردنی منداڵیش.

 

مایکرۆپلاستیک، ئەو پارچە بچووکانەی پلاستیک کە قەبارەیان کەمترە لە ٥ ملیمەتر، دەبنە مەترسی نەک تەنها بۆ سەر ژینگە و دەوروبەر بەڵکو بۆ تەندروستی منداڵان و پێگەیشتووانیش کێشەی تەندروستی درووست دەکەن.

 

مایکرۆپلاستیکەکان کە لە شووشەی پلاستیکی، دەفر، پاکەتی چپس، پەڕۆی یەکجار بەکارهێنراوەوە سەرچاوە دەگرن، دەچنە ناو جەستەی مرۆڤەوە، هەروەها ئەم تەنۆلکانە لە زەریاکان، ڕووبارەکان، خاکەکان و تەنانەت لە هەوای هەناسەدانیشدا دەبینرێن.

 

منداڵانی بچووک مەترسی خواردنی مایکرۆپلاستیکیان زیاترە، چونکە زۆرجار ئەو شتانەی ڕۆژانە بەکاردەهێنرێن دەیخەنە ناو دەمیانەوە، مایکرۆپلاستیک دەتوانێت ببێتە هۆی کێشەی هەرس، هەوکردن و تێکدانی مژینی ماددە خۆراکیەکان، هەروەها دەبنە هۆی دواکەوتنی گەشەکردن لە منداڵان، ڕێگەی خۆیان بۆ گەشەکردنی کۆرپەلە بکەنەوە، گرنگە ڕێگری بکەیت لە بەرکەوتنت بە مایکرۆپلاستیک و دوور بکەویتەوە لە هەر جۆرە پاکەتێکی پلاستیکی و شووشە.

 

ڕاستییەکی ناسراوە کە قەڵەوی هۆکاری هەموو نەخۆشیەکانە و بووەتە پەتایەک لە هیندستان، قەڵەوی کاریگەری لەسەر هەموو ئەندامەکانی جەستە دەبێت، جگە لەوەش، هەروەها تووشی شۆک دەبیت کاتێک بزانیت ئێمە مایکرۆپلاستیک تەنها بە خواردن و خواردنەوە و هەناسەدان وەردەگرین.

 

بەپێی توێژینەوە جۆراوجۆرەکان، دایکان دەتوانن مایکرۆپلاستیک لە ڕێگەی منداڵدانەوە بگوازنەوە بۆ کۆرپەلەیەکی گەشەسەندوو، ئەم ماددە کیمیاییانە زیانێکی گەورە بە تەندروستی منداڵەکان دەگەیەنن، بەم شێوەیە، پێویستە دایک و باوکەکان ئاگاداربن کاتێک باس لە تەندروستی منداڵەکەیان دەکرێت.

 

گرنگە دایکان و باوکان دوور بکەونەوە لە پاکەت و بەستەری پلاستیکی، هەروەها دەبێت یاری پلاستیکی بە منداڵەکانیان نەدەن بۆ ئەوەی یاری بکەن، دایک و باوک دەبێت هەوڵبدەن کە بەرکەوتن بەو مایکرۆپلاستیکانەی کە لە بەرهەمەکان و لە ژینگەدا هەن، و ئەو ماددە کیمیاییە ژەهراویانەی پەیوەستن بەوانەوە سنووردار بکەن.

 

پزیشکان ڕێنمای دەدەن کە بەرهەمی خۆراکی بە پاکەتێکی پلاستیکیەوە نەدەن بە منداڵەکانیان، شوشە لە بری پلاستیک بۆ شیردان بە منداڵ بەکاربهێندرێت، یاری و کەلوپەلی پلاستیکی نەدرێت بەو منداڵانەی کە دەیخەنە ناو دەمیانەوە، هەرچەندە، دەتوانیت ڕێگەیان پێبدەیت ئەو یاریانە بەکاربهێنن کە لە دار درووستکراون.