ناوەندی هەواڵ

 

پزیشک دلۆڤان محەمەد عەلی، پسپۆرى نه‌خۆشیه‌کانی ژنان و منداڵ بوون دەربارەی هەبوونی گۆشتی زیادە لە منداڵدانی ژناندا نووسیویەتی: گۆشتی زیادەی ڕەحم دەتوانێت حاڵەتێکی ناشێرپەنجەیی بێت یان حاڵەتێکی پێش شێرپەنجە بێت، بەپێی هۆکار و جۆرەکەی.

 

ئایا مەترسیدارە؟

گۆشتی زیادەی ڕەحم (بەتایبەت پێش سوڕی مانگانە یان لە کاتی وەستانی سوڕی مانگانە) دەتوانێت ئاسایی بێت بە مەرجێک گەورە نەبێت و گەشە نەکات بەڵام لە هەندێک حاڵەتدا لەوانەیە ببێتە هۆی شێرپەنجەی ڕەحم یان نیشانەیەک بێت لە شێرپەنجەی ڕەحم بەتایبەتی ئەم نیشانانە:

خوێنبەربوون دوای وەستانی سوڕی مانگانە.

خوێنبەربوونی نائاسایی هەبوو هەر تەمەنێک بێت.

ئەگەر گۆشتی زیادەی ڕەحم بەهۆی ناهاوسەنگی ئیسترۆجینەوە بوو (بۆ نموونە قەڵەوی، نەخۆشی فرەکیسی هێلکەدان یان چارەسەری هۆرمۆنی).

 

چارەسەر:

لابردنی گۆشتەکە بە نازور و کورتاج.

شانە زیادەکان لادەبرێن و دەنێرێن بۆ زەرع نەشتەرگەری لابردنی منداڵدان.

لابردنی منداڵدان، کاتێک شێرپەنجەیی بێت.