rojane

14:48

Berdevka rexistina 'Endavant-OSAN’ Patri Vallejo ya ji Katalonya ragihand ku ew tevli pengava TAJÊ dibin û got: “Di 10’emîn salvegera ferman û femînîsîda li ser Şengalê em soz didin ku em ê ji bo azadiya jinan û gelan bi berpirsiyartî têbikoşin.”

14:44

Hevdîtinên şandeya TJA û DEM Partî yên ji bo partî, kesayet û hizbên siyasî dewam dikin. Şandeyê serdana Yekîtiya Jinên Kurdistanê û Şanaz Îbrahîm kir. Di hevdîtinê de peywendiyên bi jinên her çar parçeyên Kurdistanê hat nirxandin.

13:58

Li Dêrikê cezayê darvekirinê ku rejîma Îranê li çalakvan Şerîfe Muhammedî û rojnamevan Pexşan Ezîzî biriye bi daxuyaniyekê hat şermezar kirin û bang hat kirin ku li dijî cezayên darvekirinê helwest werin raberkirin.

12:49

YRJ û YRA li dijî biryara Îranê ya darvekirina rojnamevana Kurd û çalakvana mafên jinan Pexşan Ezîzî û Şerîfe Mihemedî, daxuyaniyeke çapemeniyê dan û gotin: “Bi pênûs û kamerayên xwe em ê bibin dengê Pexşan û Şerîfeyan.”

12:45

Li Wanê di serdegirtina malan de Hevserokên Giştî yên DEM’ê Gulşen Kûrt û Veysî Dîlekçî jî di nav de herî kêm 15 kes hatin binçavkirin.

12:30

Li Xezaya ku êrişên Îsraîlê li ser bê navber dewam dikin, mafên bingehîn ên jiyana mirovan tên binpêkirin. Bi mehan e binesazî tên xirakirin û çavkaniyên ava paqij têne bombekirin.

12:28

KBDH biryarên darvekirinê yên rejîam Îranê şermezar kir û got: “Ji bo Şerîfe Muhamed û Pexşan Ezîzî bidin jiyîn, bi berzkirina dirûşma 'Jin, jiyan, azadî' em hêza veguherîner a jinê nîşan bidin, em deng û hêza xwe li kolanan bikin yek.”

11:09

Li eyaleta Kerala ya li başûrê Hindistanê ji ber hezaza ku çêbûye, herî kêm 36 kesan jiyana xwe ji dest dan.

11:07

Saziya Îtalya ya bi navê “Verso il Kurdistan Association” ragihand ku beşdarî kampanyaya TAJÊ ya ‘Li dijî qirkirina jinan bibe dengê xweparastinê’ bûne.

09:41

Pêşnûmeya ku qetilkirina ajalên bêxwedî pêşbînî dike, bi dengên AKP-MHP'ê bû qanûn.

09:20

Gelê Cezayîrê xwe ji bo hilbijartinên serokatiya ya 7’ê Îlonê were lidarxistin amade dike. Hikûmeta Cezayîrê namzetiya Seroka Partiya Yekîtiyê Zubeyde Esûl a yekem jin e ku xwe wek namzet nîşan daye, red kir.

08:54

Di encama serdegirtinên malan ên li Wanê de Hevserokên DEM Partiyê yên Wanê Veysî Dîlekçî û Gulşen Kurt jî di nav de gelek kes hatin binçavkirin.

08:12

Endama Meclisa Jin a gundê Dîgure Şêrîn Şengalî behsa Dayê Erzan a ku di fermana 74’an de ji aliyê çeteyên DAIŞ’ê bi hovane hat qetilkitin kir û da zanîn ku Dayê Erzan di nav civaka Êzidî de weke koçekek dihat dîtin.

21:31

Hunermendên herêmî yên ku li Colemêrgê di dawetekê de stranên Kurdî gotin, bi îdîaya "propagandaya rêxistinê kirine" hatin girtin.

21:15

Çalakiya Nobetê ya li Wargeha Mexmûrê bi armanca mîsogerkirina azadiya fîzîkî ya Rêberê Gelê Kurd Abdullah Ocalan hatî destpêkirin, ev saleke bi biryardariyek xurt didome. Çalakî bi dewirgirtina koma 74’emîn berdewam dike.

20:08

Di doza ku têkîldarî hilweşîna ji ber lehiya piştî bahoza Danîel a li Lîbyayê pêk hat de, ji 9 salan heta 27 salan cezayê girtîgehê li 12 rayedaran hate birîn.

19:57

Hejmara kesên di êrişên Îsrailê ya li ser Zivala Xezaya ku ji 7’ê Cotmeha 2023’an heta niha berdewam dike de jiyana xwe ji dest dane giha 39 hezar û 363 kesan.

19:50

Hevseroka Giştî ya DEM Partiyê Tulay Hatîmogûllari ya bi cotkaran re hatiye cem hev polîtîkayên desthilatê yên çandiniyê rexne kir û got: “Divê em hemû polîtîkayên vê desthlatê serûbin bikin.”

14:12

Meclisa Jinan a DEM Partî ya Wanê ku di çarçoveya kampanyaya “Em di jiyana azad û wekhev de israr dikin, em bi rêxistin in” konferansek li dar xist. Li dijî feraseta mêr-dewletê banga bilindkirina têkoşînê kir.

14:08

Li Colemêrgê di serdegirtina 3 dawetan de gelek welatiyên ku di nav de hunermend û kameramanên herêmê jî hebûn hatin binçavkirin.