rojane

13:48

Hat zanîn ku li Efrînê di navbera komên çeteyan ya girêdayî dewleta Tirk de şer derket û 2 zarok birîndar bûn.

13:42

HRW di rapora der barê şerê li Sûdanê amade kir de bal kişand ku sûcên tecawîza li dijî zarokên keç û jinan belav bûye.

12:55

Rojnamevan Pexşan Ezîzî ku ji aliyê rejîma Îranê ve cezayê darvekirinê lê hatiye birîn, nameyek ji bo raya giştî nivîsî îşkenceya ku ditiya wiha anî ziman: “Em ne jinên yekem û dawîne ji ber lêgerîna azadî û jiyanek bi rûmet tên mehkumkirin.”

12:46

Mînîbusa ku karkerên çandiniyê ku ji Amedê diçûn Orduyê ji bo berhevkirina findiqan hildigirt qeza kir. 20 kerkerên çandiniyê birîndar bûn.

12:41

5 Madeyên qanûnê yên rê li ber kuştina kûçikên li kolanan vedike, bi dengên AKP’î û MHP’iyan li Meclisê hate erê kirin.

12:37

Serokê Îsrailê Binyamîn Netanyahu ragihand ku ji bo nêzî 150 zarokên ku dihat plankirin ji Xezayê ji bo tedawiyê biçin Emîriyên Yekbûyî yên Ereban carek din taloq kiriye.

12:02

Jinên Dersimê li dijî polîtîkayên şerê taybet bang li jin û ciwanan kirin ku xwe birêxistin bikin û gotin: “Yên ku li qada rêxistinbûyî cih nagirin, zû tên xistin.”

09:36

Jinên koçber ên î li kampa Til El-Semin di gelek zehmetiyên jiyanî re derbas dibin. Tevî vê jî dîsa li ber xwe didin û hêviya wan vegera li ser axa xwe ne.

08:36

Rêveberiya Xweser a Şengalê bi boneya salvegera fermana 3’ê Tebaxa 2014’an Komxebatek bi dirûşmeya, ‘Ji bo civaka Êzidî edalet û azadî’ lidarxistin. Di dawiya komxebatê de encamname hat eşkere kirin.

08:07

“Fermana 3’yê Tebaxê ne dawî bû ne jî destpêk bû, hemû dinya dema fermanê çav û guhên xwe girtin, kes hawara me nebihîst. Heta em nekevin bin axê birîna me nayê pêçandin û heta mirinê dê di dilê me de be.”

20:57

Hevseroka Giştî ya DEM’ê Tulay Hatîmogûllari di çarçoveya hemleya Nan û Edaletê de çû Elihê û Fîlîz Taşkesen a ku 3 zarokên wê ji ber girtina “Govenda Kurdî” hatibûn binçavkirin û cezayê hepsa malê lê hat birîn ziyaret kir.

20:47

Di êrîşên ku di 24 saetên dawîn de ji aliyê artêşa Îsraîlê ve hatin kirin de 66 Filistînî jiyana xwe ji dest dan û 241 kes jî birîndar bûn. Hejmara kesên li Xezayê jiyana xwe ji dest dan bû 39 hezar û 324.

15:32

Rêxistinên jinan ên Herêma Bakur û Rojhilatê Sûriyeyê biryara darvekirina aktivîstên jin li Îranê şermezar kirin û bang li rêxistinên mafên mirovan, desteyên hiqûqî, tevgerên jinan kirin ku dengê jinan bilind bikin.

15:09

Kongra Star bi daxuyaniyek nivîskî bertek nîşanî cezayê darvekirinê li dijî Pexşan Ezîzî û Şerîfe Muhammedî da û got: “Serhildana li Rojhilatê Kurdistanê wê bibe bingeha yekitiya jinan.”

14:34

Girtiyên jin ên siyasî yên li girtîgeha Evînê ku xwediyê xelata aştiya Nobelê Negîs Muhammedî jî di nav de, di saetên şeva 27’ê Tîrmehê de redkirin ku bikevin qawîşên xwe, cezayê darvekirinê yê li rojnamevan Pexşan Ezîzî hatî birîn protesto kirin.

14:18

Hate zanîn ku rojnamavan Pexşan Ezîzî ku li girtîgeha Evînê tê girtin û rojên borî cezayê darvekirinê lê hatî birîn bi parêzerên xwe re hevdîtin nekiriye.

14:13

Êrîşên dagirkeriyê yên dewleta Tirk a bi hevkariya PDK’ê li ser Başûrê Kurdistanê berdewam dikin. Gundên ku bi darê zorê hatin valakirin û ji bo gundî eşyayên xwe kom bikin 9 saet dem hat dayîn hatin şewitandin.

13:12

Serdanên şandeya DEM Partî û TJA’yê li Başûrê Kurdistanê berdewam dikin. Divê çarçoveyê de şandeyê serdana Nermîn Osman kir.

12:57

Bi hinceta ku di dawetên dîrok û cihên wan cuda yên Stenbolê de li ber stranên kurdî govend gerandine, 18 kes hatibûn binçavkirin. Ji kesên ku hatine binçavkirin 11 jê hatin girtin.

11:31

14 baroyan bertek nîşanî girtina ciwanên ku li ber stranên Kurdî govend gerandin da û diyarkirin ku divê daraz nebe hevkarê hewaya lincê ya medyaya dijîtal.