rojane

17:06

Derhêner û montajvana belgefîlmên Îranî Sepîde Abtahî, di encama serdegirtina Hêzên ewlehiyê ya li ser mala xwe de hate binçavkirin û hinek alavên wê yên elektronîkî hatin desteser kirin.

16:04

Wezareta Îstixbarata Îranê, lîsteyekî ku ji dezgehên medyayê, çalakvan û rûpelên serhêl pêktê weşand û diyar kir ku hevkariya medyayê, propaganda an jî parvekirina agahiyan a bi kesên di lîsteyê de, rastî darizandin û cezayên edlî were.

15:49

160 rêxistinên civaka sivîl bertek nîşanî pêşnûmeya qanûna nû ya li Parlamentoyê dan û hişyarî dan ku ev nêzîkatî dê garantiyên qanûnî yên zarokatiyê ji holê rake û rê li ber îstismara zarokan veke.

15:39

Bijîşkên Sînornenas (MSF), diyar kirin ku şewba Ebolayê ya li Komara Demokratîk a Kongoyê bi lez belav dibe û banga mudaxaleya lezgîn kirin.

15:06

Bernameya Xurekê ya Cîhanê ya Neteweyên Yekbûyî (WFP), hişyarî da ku şerê berdewam ê li Sûdanê, kêmbûna fonên alîkariya mirovî û astengiyên di bazirganiya herêmî de qeyrana xurekê girantir dike.

14:00

Li Suriyeyê Saziya Masî û Avê ya li Ceblê sînor danîn ser kincên karmendên jin. Ev biryar bû sedema nîqaşên nû yên li ser rewşa azadiya kesane li Sûriyeyê.

13:32

Girtiya siyasî ya Kurd Werîşe Muradî ji ber li dadgehê amade nebû, rejîma Îranê cezayê qedexeya pêwendiya telefon û hevdîtina li gel malbatê lê birî.

12:58

Bi destpêkirina pêla nû ya êrîşên Emerîkayê li ser başûrê Îranê re, Washingtonê ragihand ku ew ê operasyonên leşkerî berfireh bikin. Li gorî daneyên fermî di êrîşên dawî de 30 kes hatine kuştin û bi sedan kes birîndar bûne.

11:30

Bi pêşengiya Akademiya Zanistên Civakî ya Abdullah Ocalan konferansa Jenosîd û Entegrasyona Demokratîk bi şîara “Edaleta Veguhez Wê Bibe Bingeha Entegrasyona Demokratîk” bi tevlîbûna 200 delegeyan destpê kir.

10:42

Rapora nû ya WHO û UNICEF'ê nîşan dide ku tevî di sala 2025'an de rêjeya derziyên zarokan hinekî baş bûye jî, şerên berdewam, kêmkirina fînansmana navneteweyî û nexweşiyên vegirtî gefê li jiyana bi milyonan zarokan dixwin.

09:16

Li Başûrê Kurdistanê dewreyên havînê êdî ne ji bo fêrbûnê ne, bûne amûra îstîsmara siyasî. Di bin navê ol û exlaq de, şerekî kûr ê îdeolojîk tê meşandin, ev yek derûniya zarokan xirab dike û pêşeroja malbatê dixe xeterê.

08:30

Cîgira Hevserokên Meclîsa bajarê Til Temirê ragihand ku ji bo civakeke aram beşdariya jinan a di siyasetê de şert e û bang li jinan kir ku li dijî dûrxistina ji navendên biryarê dest bi çalakiyên protestoyî bikin.

23:15

Nobeta azadiyê ya li Mexmûrê di roja 1090'an de ye. Koma 210’an bi silavkirina berxwederên 14’ê Tirmehê çalakî dewr girt.

20:40

Hate raghandin ku Hatîra Camî ya afirînera naveroka medyaya dîjîtal û firoşkara pirtûkên virtual ya li bajarê Heratê ya Efganistanê dijî, ji aliyê Talîbanê ve hatiye binçavkirin.

17:42

Li herêma Paveyê şewata ku du roj in berdewam dike ber bi qadên berfireh ve belav dibe; ji ber nebûna alavên dewletê, mudaxele tenê li ser milê tîmên dilxwaz maye.

16:58

Pêşangeha li bajarê Muhammediyê ji bo jinên hunermend bûye platforma hevgirtin, naskirin û parvekirina ezmûnan.

16:38

Revandina parêzer Nadiya El-Mehcerî ya ji aliyê Hûsiyan ve, bertekên tund ên parêzvanên mafên mirovan û bangên ji bo lêpirsîneke serbixwe li Yemenê zêde kirin.

16:20

Li Îranê enflasyona xurekê gihîşt sedî 115 û sifreya xwarinê ya malbatan her ku diçe biçûk dibe. Pispor hişyariyê didin ku ev qeyran êdî ne tenê aborî ye; bi birçîbûn û bêewlehiya xurekê rasterast gefê li tenduristiya jinên ducanî û paşeroja zarokan dike.

16:08

Li gorî nûçeyên hatine belavkirin, Şaxa 26’emîn a Dadgeha Şoreşê ya Tehranê 5 sal cezayê girtîgehê da Şadî Xedîce Şadman. Ceza hefteya borî li Girtîgeha Evînê hat bicîhanîn.

15:16

Hevseroka DEM Partiyê Tulay Hatîmogullari di komcivîna Meclîsê de bal kişand ser Lûtkeya NATO’yê, polîtîkayên zextê û pêvajoya çareseriyê; wê destnîşan kir ku divê Tirkiye nebe parçeyek şer û bang kir ku qanûna çarçoveyî demildest bê derxistin.