rojane

14:40

Li gorî Rêxistina Mafên Mirovan a Hanayê, rejîma Îranê li Kirmaşanê jineke Kurd binçav kirin û zarokeke 3 salî qetil kirin.

14:37

Ji bo piştevaniya berxwedana kurdên Rojava û Rojhilatê Kurdistanê li Koye çalakiyek hat lidarxistin û daxwaza bidawîkirina dagirkerî û parastina serweriya xaka Kurdistanê hate kirin.

13:40

Rojnameya Sunday Times, ragihand ku di xwepêşandanên li Îranê de 16 û hezar 500 kes hatine qetilkirin û 330 hezar kes jî birîndar bûne. Rojnameyê, piştrast kir ku dibe li seranserê Îranê zêdetirê 8 hezar xwepêşander kor bûne.

13:27

Bi hezaran Şêniyên bajarê Qamişlo, li dijî êrişên qirkirinê yên çeteyên HTŞ'ê û dewleta Tirk daketin qadan û banga xwedî derketina ax û welatê xwe kirin.

13:19

Çalakvanên ku li ber baregeha koalîsyona navneteweyî ya li Qesrikê çalakiya rûniştinê dikin, di roja 8'emîn de çalakiya xwe dewam kirin.

13:14

Bi sedan ji şêniyên bajarê Kobanê di salvegera despêka êrîşên dagirkeriya li Efrînê meşiyan û teqezkirin ku ewê ji bo parastina hebûna xwe seferber bibin.

13:12

Êrîşên çeteyên HTŞ’ê û çeteyên dewleta Tirk li dijî Bendava Tişrin, Tebqa û Reqa didome.

12:32

Xwepêşandanên li Îran û Rojhilatê Kurdistanê di roja 22'yemîn de didome. Li gorî rêxistinên mafên mirovan, di êrîşên rejîmê de herî kêm 3 hezar û 120 kes hatine kuştin û zêdetirî 24 hezar kes hatine binçavkirin.

12:28

Îro bi sedsan ji gelê Til Temirê û pêkhateyê wê yê Kurd, Ereb û Aşûr li dijî binpêkirina peymana agirbestê ji aliyê cîhadîstên HTŞ’ê û êrîşên wê li ser herêmê ve, meşek lidar xist.

12:18

Li Tûnisê, pîrik di pergala tenduristiya zayînê de rolek navendî dilîzin. Mudaxeleyên wan tenê bi ducanî û zayînê re sînordar namîne; her wiha peywirên mîna avakirina hişyarî, peydakirina desteka derûnî û civakî û şopandina jinan jî pêk tînin.

11:09

Di xwepêşandanên dawî yên li Îranê de piştgiriya ku ji aliyê hinek hunermendên Kurd û Lur ve ji Neo-Pehlewiyê re hat dayîn, mîna encama siyaseta neçariyê, hegemonyaya medyayê û jibîrkirina dîrokî derket holê.

10:01

3 hezar malbatên koçberên Efrînê û pêkhateya Ereb ên li kantona Tebqa yê ji êrîşên çeteyên hikumeta demkî yên giredayê dewleta Tirk berê xwe dan kantona Cizîrê.

09:54

Rêveberiya Xweser li dijî êrişên komên çete yên li ser herêmê seferberiya giştî îlan kir û banga kir "Tev li cenga parastina rûmetê bibe" kir.

09:52

Şandeya Îmraliyê ya DEM Partiyê têkildarî hevdîtina bi Abdullah Ocalan re daxuyanî da û got: “Birêz Ocalan anî ziman ku ji ber şer û rageşiya zêde ew gelekî bi fikar e û ev rewş weke hewldana ji bo têkbirina Pêvajoya Aştî û Civaka Demokratîk pênase kir.”

09:48

Xwendekarên beşa zanistên xwarinê yên li Helebcê bi sabûnên xwe yên bi şîrê bizin û bi kuncî, bala xelkê Silêmaniyê kişandin. Ger piştgirî bê dayîn, armanc dikin ku marqeyek biçûk ava bikin.

09:44

Hejmara 151'emîn a Kovara Jinê bi berga ‘Qanûna Pergalek ji hêla Mêran ve Serdest e’ hate weşandin.

09:43

Jinên Kurd yên li bajarê Qamişloyê, li hember daxuyaniya Colanî bertek nîşan dan û gotin “Em bi çend bendan nayên xapandin û emê ji bo Sûriyeke nenavendî ku mafê jinan û hemû netewan diparêze, têbikoşin.”

08:55

Pevçûnên ku bi êrîşên komên çete yên girêdayî hikûmeta demkî ya Suriyeyê û dewleta Tirk destpê kirine, li gundewarên Tebqa, Reqa û Dêrazorê û Bendava Tişrînê bi djwarî didomin.

07:39

Bi zêdebûna zimanê provokatîf û gotinên tehdîdkar ên ji aliyê hinek dezgehên medyayê ve tên bikar anîn, jinên Sûriyeyê balêdikşînin li ser girîngiya yekîtiya di navbera hemû pêkhateyan de.

07:26

Ji Sekreteryaya Însiyatîfa Yekîtiyê, Dîba Keskîn li ser êrîşên li Helebê ji ajansa me re axivî û diyar kir ku hêzên eperyalîst bi projeyên demdirêj, bi bikaranîna îslama siyasî ku bûye amûra siyasetê şerê xwe li dijî civakên Rojhilata Navîn didomînin.