rojane

15:35

Şêniyên bajarê Hesekê bi hemû pêkhateyên xwe Kurd , Ereb û Suryan daketin qadan û dawaza pêkanîna zagona parastin û rizgarkirina Kurdan ji planên qirkirinê kirin.

15:20

Ji malbatên welatiyên ku li Şîrazê ji ber xwepêşandanan hatine binçavkirin, ji bo biryara girtinê, bi kefaletê biguherînin daxwaza pereyê di navbera 100 û 300 milyon de Tumen dikin.

15:15

Tulay Hatîmogûllari, diyar kir ku ji bo aştiyê êdî ne dema gotinan e, dema avêtina gavan e û got: “Tam jî dema bilezkirina pêvajoyê ye. Divê komîsyon, raporeke ku bi rastî jî dikare aştiyê pêk bîne amade bike.”

15:06

Hevpeymaniya Jinan a ji bo Aştiyê ya li Yemenê, di rapora ku bi hevkariya komeleya di girtîgehên Hûsiyan de parastina kesên rastiyê tundiyê tên parve kir de, binpêkirinên li dijî Henan Caferî belge kir û bûyeran mîna "saleke dojeh” bi nav kir.

14:35

Meclîsa Malbatên Şehîdan a Kantona Firatê, bi daxuyaniyek êrîşên çeteyên cîhadîst ên HTŞ’ê yên li dijî goristanên şehîdan şermezar kir û ev yek mîna binpêkirina pîroziya şehîdan û bêrêziya li nirxên mirovahiyê binav kir.

14:14

Şêniyên Qamişloyê, ji bo mîsogerkirina mafên gelê Kurd a di destûra Sûriyeyê de û ji bo naskirina statuya Kurdan a li Rojavayê Kurdistanê, meşek girseyî li darxistin.

13:53

Kongreya Dewletên Yekbûyî yên Emerîkayê (DYE), bi rojeva Rojava li hev kom bû. Endama Konseya Hevserokatiyê ya PYD’ê Foza Yûsif, bang kir û got: “Divê hemû Kurd piştgirî bidin vê daxwazê.”

13:49

Pevçûnên di navbera artêşa Sûdanê û Hêzên Piştgiriya Lezgîn de ku nêzî sê salan e didomin, welat ber bi felaketek mezin a mirovî ve dibin. Perwerde bi temamî sekiniye, pergala tenduristiyê hilweşiyaye, alîkariyên xurekê pir kêm kêm bûne.

13:41

Rojnamevan Vîda Rabbanî ji bo nerazîbûnê girtina li derveyî bajarê ku lê dijî, ji 6’ê Sibatê ve di greva birçîbûnê de ye.

13:12

Îro mamosteyên bajarê Til Temirê bi rihê şerê gelê şoreşgerî beşdarî seferberiya li Rojava bûne û bi destpêşxerekî çêkirina xwarinê spasiya berxwedana şervanên QSD/YPJ-YPG’ê kirin.

12:20

Ji Partiya Karker heta muhafezekaran zêdeyî 70 parlamenter û Lordan name ji Wezîra Karên Derve Yvette Cooper re şandin. Di nameyê de wiha hat gotin: “Qraliyeta Yekbûyî xwedî wê berpirsyariyê ye ku piştgiriyê bide Kurdên Sûriyeyê."

11:46

Kampanyaya ‘Şêşema na ji darvekirinê re’ di hefteya 107’an de li 56 girtîgehên Îranê didome. Di daxuyaniyê de hat destnîşankirin ku di dawiya meha Çileyê û serê meha Sibatê de 2 jin zêdetirî 207 kes hatine darvekirin.

11:04

Rêxistina Mafên Mirovan HRANA’yê, ragihand ku li Îranê, 6 hezar û 964 kes di xwepêşandanan de hatine qetilkirin, hat diyarkirin ku di nava vê hejmarê de 6 hezar û 473 ‘xwepêşandar’ ketine qeydan, ji vê 212 kes zarokên di bin 18 salî de ne.

10:46

Dorpêça çeteyên cîhadîst yên HTŞ’ê ya li ser Kobanê di roja 22’an de ye. Rewşa mirovî û mercên jiyanê her roj hîn girantir dibe.

10:02

Neteweyên Yekbûyî, ragihand ku li ser sûcên şer ên li gundewarên Kobanê li dijî welatiyan hatine kirin lêkolînê dike û da zanîn ku hê jî 160 hezar kes di rewşa koçberiyê de ne.

09:59

Wezareta Derve ya Fransayê xemgîniya xwe ya li beramberî cezayê girtîgehê yê li çalakvana mafên mirovan û xelatgira Nobelê Nêrgiz Mihemedî hatî birîn anî ziman û bang li rejîma Îranê kir ku tavilê berdin.

09:57

Di vê dema ku bi hevdîtinên li Îmraliyê hêviyên aştiyê zêde dibûn de, êrîşên li dijî Rojava mîna komployeke nû hat nirxandin. Gelê Kurd, vê komploya ku berdewamiya 15’ê Sibatê ye û bi şêwazên cuda ye, vala derxist.

08:22

Koçberên li Kobanê dijîn, di bin dorpêça hişk a ji aliyê Rêveberiya Demkî ya Sûriyeyê ve tê ferzkirin de, di şert û mercên trajîk de jiyana xwe didomînin.

08:13

Mamosteya zanîngehê Şadiye Ebûbekir têkildarî komploya navnetewî ya li dijî Rêberê Gelê Kurd Abdullah Ocalan wiha got: “Azadiya fîzîkî ya Rêber Ocalan kilîta çareseriya hemû herêmên Rojhilata Navîn û Tirkiyeyê ye.”

08:04

Tevî Zagonên Navneteweyî yên derbarê parastina sivîlan a di dema şeran de, li Suweydayê her roj agirbesta ku hatî îlankirin tê binpêkirin. Ev binpêkirin jî, gefê li jiyana sivîlan dixwe.