Hesekê – Li bajarê Şedadê yê kantona Cizîrê ya Bakur û Rojhilatê Sûriyeyê, di çarçoveya 25’ê Mijdarê Roja Cîhanî ya Têkoşîna li dijî Tundiya li ser Jinan de mêr meşiyan.

Meş li ber deriye Partiya Yekîtiya Demokratîk (PYD) dest pê kir û heta Parqa Rêber Apo berdewam kir. Ji sazî û rêveberiyên sivîl gelek mêr beşdarî meşê bûn. Beşdaran pankartên ku tundiya li dijî jinan şermezar dikirin û balêdikşînê li ser girîngiya rêzgirtin û parastina mafên wan, hilgirtin.

Beşdaran, diyar kirin ku ev meş parçeyek çalakiyên ku ji aliyê Kongre Star ve li herêmên cûda yên Bakur û Rojhilatê Sûriyeyê têne li dar xistin e û armanc ew e ku mêran beşdarî şerê li dijî tundiyê bikin û guhertina têgihiştina qalîbên "pirsgirêkên jinan tenê berpirsiyariya jinan e".

Di meşê de endamê Partiya Yekîtiya Demokratîk (PYD) Mihemed El-Xelef axivî û wiha got: "Tundiya li dijî jinan hêj li pêşiya wekhevî, pêşketin, aştî û pêkanîna mafên mirovan a jinê astengiyek mezin e. Heta tundiya li dijî bidawî nebe, edaleta domdar ne pêkan e. Em her tim hewl didin û ji bo jin di hemû qadên jiyanê de bibe sereke, di armancên bingehîn a civakê de xebat dimeşînin.”

Mihemed El-Xelef, diyar kir beşdarbûna wan a ji bo çalakiyê, ji bo bihêzkirina hişyariyê û guhertina tevgerên neyînî yên derbasî nifşan dibin, derfetek girîng e û da zanîn parastina jinan tê wateya parastina ewlehî û aramiya malbat û tevahî civakê.

Mihemed El-Xelef, di dawiya axaftina xwe de bang li hemû mêran kir ku bi awayekî cidî beşdarî têkoşîna li dijî tundiyê bibin û diyar kir ku divê ew bi awayekî çalak beşdarî kampanyayên hişyarkirin û piştgiriyê yên ji aliyê sazî û civakên herêmî ve tên li dar xistin bibin. Mihemed El-Xelef, balkişand li ser girîngiya destpêkirina guhertinê ya di nav malbatê de.