Navenda Nûçeyan – Bajarê Suwedayê ev çend roj in piştî pevçûnên di navber Durziyan û hêzên girêdayî rêveberiya demkî ya Sûriyeyê ya cîhadîst de rewşek xeternak dijî. Di nav van pevçûnan de êrîş û revandin pêk hatin. Di encamê de bi dehan kes jiyana xwe ji dest dan û birîndar bûn.

Platforma Diyaloga Jinan a Neteweyî ya Sûriyeyê duh êvarê daxuyaniyek weşand û tê de fikarên xwe ser zêdebûna rewşa xeternak li bajarê Suweydayê anî ziman.

Daxuaynî wiha ye:

“Tiştê ku li Suweydayê diqewime ne bûyerek tenê ye, lê encama berhevkirî ya nebûna edaleta siyasî û paşguhkirina çareseriyên radîkal e ku dê pevçûnê bi dawî bikin û rûmeta hemû Sûriyan vegerînin. Em bi eşkereyî mantiqa tundiyê û otorîterîzmê red dikin. Em beşdariya hin dezgehên rêveberiya Şamê di gurkirina vê pevçûnê de bi rêya teşwîqkirin, alîgirî an çalakiya rasterast bi tundî şermezar dikin.

'Pêwîstî bi vekirina kanalên diyalogê heye'

Li kêleka wê tundiyê pêş dixin, dabeşbûna sivîl gur dikin û civaka me ber bi kûrahiyek nû ve dibin. Neteweyek bi rêya teşwîqkirinê nayê avakirin, lê bi rêya rêzgirtin, wekhevî û hesibandina her pêkhateyek civakî wek beşek yekgirtî ya pêşeroja Sûriyeyê, tê avakirin. Em hedefgirtina civak û pêkhateyan red dikin. Ji bo çareserkirina vê pêvajoyê kanalên diyalogê yên berpirsyar bên vekirin û jin û civak tê de rolek çalak ne rûberî, bilîzin. Çareserkirina sedemên avahîsaziyê yên aloziyê bi riya reformên siyasî yên berfireh tê kirin, ne bi rêya çareseriyên ewlehiyê yên ku tepeserkirin û teqînên dubare didomînin."

'Hevgirtina xwe bi gelê Suweydayê re nîşan didin'

Platformê di dawiya daxuyaniyê de hevgirtina xwe bi gelê Suweydayê re nîşan da û got: "Em hevgirtina xwe bi gelê Swêdayê re radigihînin. Di vê kêliya krîtîk de, em di Platforma Diyaloga Neteweyî ya Jinan de pabendbûna xwe bi nirxên aştî, edalet û lihevhatinê re nû dikin û em tekez dikin ku Sûriye ne hewceyî kesên ku bi çekan serdikevin e, lê ew hewceyî kesên ku çanda jiyanê xwedî dikin e."