Zirgan – Navenda Çand û Hunerê a bajarê Til Temirê ji bo gelê bajarê Zirganê şahiyek hûnerî, di bin diurşmeya “Em ê bi afrîneriya hunerê jiyana komunal ava bikin, di Kurdistan a azad de Rêber Apo hembêz bikin”, li qada mizgeftê lidar xistin. Bi dehan gelê Zirganê û partiyên wê yên siyasî lê amade bûn.

Şahiya ku bi deqeyek rêzgirtin destpê kir, bi axaftina Hevseroka Partiya Yekîtiya Demokratîk (PYD) Semah Hemadî dewam kir.

Hêviyên bidawîbûna şeran

Semah balkişand ser 30 salên ku li Rojhilata Navîn şer diqawime û hêvî kir ku 1’ê Îlonê bibe nîşana bidawîhatina şeran li cîhanê û aştî serdest bibe. Piştî ku herêmên Rojhilata Navîn ên di navbera Deryaya Spî û Qefqasyayê de bû qadên şer û di nav de koçberî, revandin, wêrankirin û kuştinê de man.

Aştî, jiyana hevbeş a di navbera gelan de

Semah Hemadî da zanîn ku ji bo ew rêwîtiya aştî û demokrasiyê temam bikin, pêdiviyê bi 1’ê Îlonê dibînin. Semah destnîşanî ewlehî, aştî, jiyana hevbeş a di navbera gelan de û wekheviyê kir ku ev hemû jî bi xetereyek mezin re rû bi rû ne. Sedem jî spart “Kapîtalîzma di nav neteweyan de bilind dibe.”

Hewldanek kolektîf hewce dike

Semah Hemadî di dewama axaftina xwe de got ku aştî rê ye, ne armanc e. Gihiştina wê têgihîştin, edalet û wekheviyê li şûna zor û dabeşkirinê hewce dike. Aştî pêvajoyek e ku ji bo pêşerojek geş a tijî hêvî û edaletê, hewldanek kolektîf hewce dike.

‘Bangek dîrokî bû’

Semah Hemadî peyama ku ji hêla Rêberê Gelê Kurd Abdullah Ocalan ve hatî dayîn bibîr xist û got: “Peyama aştî û civaka demokratîk ji bo aştî û jiyana hevbeş, bangek gerdûnî bû. Peyama rêber ne tenê retorîka siyasî ya derbasbûyî ye, lê belê projeyek şaristanî ye ku banga çêkirina têkiliyên mirovan li ser bingeha edalet, wekhevî, aştî û rola jinan dike.”

Bangek lezgîn ji bo azadiya fêzîkî a Ocalan

Semah di dawiya axaftina xwe de jî bi navê gelê Bakur û Rojhilatê Sûriyeyê bang li raya giştî û cîhanê tevî hemû rêxistinên navneteweyî û mafên mirovan kir, ku bi awayekî cidî û bi lez û bez ji bo azadiya fizîkî ya Rêber Abdullah Ocalan, bi awayekî ku li gorî nirxên edalet, rûmeta mirovan û aştiyê be, bixebitin.

Şahî bi stranên Koma Şoreş, çend hûnermendên din û bi dirûşmeyan bi dawî bû.