Navenda Nûçeyan – Çavkaniyên tibî yên Filistînî ragihandin ku li Xezayê ku ji 23’ê Cotmeha 2023’an heya niha êriş û bombebarana Îsraîlê li ser didome, di 24 seatên dawî de 3 jê zarok 10 Filistiniyên din ji birçîna mirine. Li gor heman çavkaniyan hejmara giştî ya kesên ji birçîna mirine derketiye 332’yan û 124 ji van zarok in.

Piştî ku IPC bi fermî di 22’ê Tebaxê de bi fermî di Xezayê de xelayê ragihand, herî kêm 54 kes mirin ku 9 ji wan zarok bûn. IPC ragihand ku xela  li Xezeyê dest pê kir û ew dikare heya dawiya Îlonê li Deyr al-Berah û Han Yunus belav bibe.

500 hezar kes di şertên xelayê de dijîn

Li gorî rapora herî dawî, zêdetirî 500 hezar kes li Xezayê di qonaxa 5’an de ku qonaxa herî giran a birçîbûnê ye an jî di şert û mercên xelayê de dijîn. Ev qonax bi birçîbûna zêde, rêjeya mirina zêde û kêmbûna xwarinê ya giran tê xuyakirin. Wekî din, 1.07 mîlyon kes (ji sedî 54’ê nifûsê) di Qonaxa 4, an jî "Awarte" de ne û 396 hezar kes (ji sedî 20’ê nifûsê) di Qonaxa 3, an jî "krîzê" de dijîn.

Ji 7’ê Cotmeha 2023’an vir ve, di encama êrîşên berdewam ên Îsraîlê yên li ser Xezeyê de, zêdetirî 63 hezar Filistînî hatine kuştin û zêdetirî 159 hezar kes jî birîndar bûne. Bi hezaran kes hîn jî winda ne, hin ji wan di bin kavilan de mane û yên din jî ji ber koçberiya girseyî û hilweşîna binesaziyê negihîştine wan.