ڕۆژانە

13:36

مەهسا زارعی، چالاکوانی کورد و دانیشتووی شاری کرماشان، دوای ٣٣ ڕۆژ لە دەستبەسەرکردنی ئازاد کرا و دووپاتی کردەوە، "ئەوەی لە ڕۆحماندا ناسڕدرێتەوە ئازادییە".

13:06

بەپێی ڕاپۆرتی ڕێکخراوی ''هەرانا''، شەش هەزار و ٨٨٦ کەس کوژراون و ٥٠ هەزار و ٨٤٢ خۆپیشاندەر دەستبەسەر کراون، هەروەها ١١ هەزار و ٢١ خۆپیشاندەریش بریندار بوون.

12:42

بنەماڵەی نێرگس محەمەدی، زیندانی سیاسی ڕایانگەیاند، لە زیندان دەستی بە مانگرتن لە خواردن کردووە، دەشڵێن: ئەو ناڕەزایەتییەی نێرگس وەڵامێکە بۆ بەردەوامی دەستبەسەرکردن و زیندانیکردنی خۆپیشاندەرەکانی گەلانی ئێران.

11:02

لە وان، ئەندامانی تەڤگەری ژنانی ئازاد ”تەژەئا” دەنگیان بەرزکردەوە بۆ ئەوەی لە هەموو شوێنێک بیبیستێت، کۆبانێ تەنها شار نییە، بەڵکو هێمای سەرکەوتن و هیوا و خۆڕاگرییە بۆ ژنان، ئەمڕۆش لە ژێر گەمارۆیەکی ناڕەوای خنکێنەرە کە دەبێت دەستبەجێ بشکێنرێت.

10:16

شاری تەعز لە یەمەن سەرەڕای هەموو ئاستەنگییەکان کولتوور بەردەوامە لە گەشە سەندن، دووەمین پێشانگای پەرتووک کە لە لایەن خوێندنگەی شەهید نەعمە ئەحمەد ڕەسامەوە ڕێکخرابوو، کۆتایی هات و دووپاتکرایەوە، کە خوێندنەوە هێشتا هێزی یەکخستنی خەڵکی هەیە.

09:45

لە ناوەندی کولتووری و هونەری سیتیا نەخشاوە، گروپی شەهید بێریڤان لە بەرامبەر هێرشەکانی سەر گەلی کورد بێدەنگ نەبوون و بە کلیپێک هەڵوێستی خۆیان دەربڕی.

09:26

تۆڕی ماف و ئازادییەکانی یەمەن پەرەسەندنێکی مەترسیداریان لە بەئامانجگرتنی ژنان لەو وڵاتە ئاشکرا کرد و داوای ئازادکردنی دەستبەجێی چالاکوان ئەشواق شمەیری کرد کە لەلایەن حوسییەکانەوە لە سەنعا دەستبەسەر کراوە.

07:56

خەتەنەکردنی ژنان،کردەیەکی نامرۆڤانە و ناتەندروستە کە ژیانی ژنان دەخاتە مەترسیەوە وپێشێلکردنێکی ئاشکرای مافەکانی مرۆڤایەتییە، شۆخ محەمەد، ڕێکخەری ڕێکخراوی وادی ئەڵمانی دەڵێت: لە هەرێمی کوردستان دیاردەکە کەمبووەتەوە بەڵام لە هەندێک ناوچە هەر ماوە.

18:36

لە شاری سلێمانی، بە دروشمی "شەهید نامرێت"، بە ئامادەبوونی بنەماڵەی شەهیدان و هاوڵاتیان، لە چوارشەممەی شەهیدی یەکبوون، لە مەڕاسیمێکی شکۆمەندانەدا یادی شەهید ئەحمەد هێمن کرایەوە.

14:41

مەراسیمی پیرشالیار بۆنەیەکی نەتەوەیی و ئاینی کوردە و هەموو ساڵێک لە وەرزی زستاندا بەڕێوەدەچیت، بەڵام ئەمساڵ وەک پشتیوانییەک بۆ دۆخی ڕۆژهەڵات و ڕۆژئاوای کوردستان مەراسیمەکە ساز ناکرێت.

13:33

پێشانگای ساڵانەی چالاکییە هونەرییەکانی سنووری پەروەردەی ڕۆژهەڵات، بە درۆشمی ''تەنها کورد، دۆستی کوردە''، بە بەشداری خوێندنگا بنەڕەتییەکان، بەمەبەستی نیشاندانی بەرهەمە هونەرییە جۆراوجۆرەکان، لە مۆزەخانەی ئەمنەسوورەکەی سلێمانی کرایەوە.

12:01

شاری تەعز بە لەبەرچاوگرتنی بارودۆخی سەختی ئابووری و نەبوونی بیمەی تەندروستی، پڕۆژەی کارتی تەندروستی بۆ ژنانی فەرمانبەری حکومەت دەستپێکردووە، بۆ کەمکردنەوەی بارگرانییە تەندروستی و داراییەکانیان لەڕێگەی پێشکەشکردنی خزمەتگوزاریی پزیشکی بە داشکاندنی تا ٥٠٪.

10:23

دەزگاکانی ڕاگەیاندنی خوێندکاران لە سەرەتای دەستپێکردنی ناڕەزایەتییەکانی ئەم دواییانە بڵاویان کردووەتەوە، دەیان خوێندکار لە شارە جیاوازەکانی ڕۆژهەڵاتی کوردستان و ئێران دەستگیرکراون و هیچ وردەکارییەکی فەرمیان سەبارەت شوێنی دەستگیرکردنیان لەبەردەستدا نییە

10:00

ڕۆدین عیسا، ئەندامی کۆنگرە ستار دووپاتیکردەوە، کە ژنان لە ناوچەکانی ژێر دەسەڵاتی حکومەتی کاتی سووریا "بە شێوەیەکی دڕندانە دەکوژرێن"، ئەمە جگە لەوەی لە پۆستەکانی بڕیاردان دوورخراونەتەوە.

09:54

ڕێکخراوی ڕێپاک پانۆرامای خەباتی ژنان لە ساڵی ٢٠٢٥ لە دژی دەوڵەتی نێر و دەرئەنجام و شێوازەکانی خەباتی بڵاوکردەوە.

09:29

لە گوندی تاسلوجەی سنووری شارۆچکەی سەیدسادقی سلێمانی، ژنێکی گەنج بە فیشەک بەدەستی براکەی کوژرا.

07:58

لەیلا مونیر، یەکێک لە دایکەکانی پێکهاتەی عەرەب دەڵێت: دژی یەکڕیزی پێکهاتەکان، دەیانەوێت سیستمی نەتەوەی دیموکراتیک لەناوببەن، بەڵام کورد و عەرەب یەکن و بە یەکڕیزی هەموو پلانەکان پووچەڵ دەکەنەوە.

07:30

شیلان سەعید، بەڕێوەبەری ناوەندی وەرزش و لاوانی ڕانیە، باس لە گرنگی پێگەی ژنان لە کایە جیاوازەکاندا کردو وتی: کار دەکەین بۆ ئەوەی وەرزش تەنها بە قۆرخی پیاوان نەمێنێتەوە، هەروەها لە ڕێگەی خول و سیمینارەکانەوە هەوڵی بەهێزکردنی ئابووری ژنان دەدەین.

15:11

پلاتفۆڕمی دیموکراتیکی فرانتەیشناڵ بۆ ژنان هۆشداریدا لە کاردانەوەکانی هێرشەکانی سەر ڕۆژئاوای کوردستان و کاریگەرییەکانی لەسەر دۆخی ڕۆژهەڵاتی کوردستان و ئێران، هەروەها باسی پێویستی هۆشیاری و هاودەنگی دژی سیستەمی پاوانخوازی کرد.

15:04

کامپەینی "سێشەممەنا بۆ لەسێدارەدان" کوشتن و دەستگیرکردنی دەیان خۆپیشاندەر لە ناڕەزایەتییەکانی ئەم دواییەی ڕۆژهەڵاتی کوردستان و ئێران بە تاوانی دژ بە مرۆڤایەتی پێناسە کرد، هەروەها پیاوانی ئاینی وەک تاوانباری سەرەکی دەستنیشان کرد.