ڕۆژانە

14:11

لەگەڵ پەرەسەندنی فشارەکان بۆ سەر ڕۆژنامەنووسان لە ڕۆژهەڵاتی کوردستان و ئێران، دەسەڵاتداران ڕۆژنامەنووس بەدر سادات موفیدیی بانگهێشتی داواکاری گشتی لە زیندانی ئێڤین کرد، دەستیان بەسەر کەلوپەلەکانی ئازادە موختاری، سەرنووسەری ماڵپەڕی "ركنا"دا گرت

13:39

ماوەی زیاتر لە سێ هەفتەیە شاری کۆبانێ لە ڕۆژئاوای کوردستان لە هەموو لایەکەوە گەمارۆیەکی توند دراوە، بەو هۆیەشەوە بەتەواوی دابڕاوەو دانیشتووان و کۆچبەران ڕووبەڕووی بارودۆخێکی ترسناک دەبنەوە.

13:10

زۆرێک لە مامۆستایانی ژن و کارمەندانی پەروەردەیی بە تۆمەتی ئەمنی پەیوەست بە هاوبەشکردنی وێنە و ڤیدیۆ یان پەیوەندیکردن لەگەڵ میدیای بیانی، ڕووبەڕووی دادگاییکردنی و سزای توند دەبنەوە، لەوانەش سزای زیندانی درێژخایەن یان سزای لەسێدارەدان.

12:11

لە ناڕەزایەتییەکانی ئەم دواییەی ڕۆژهەڵاتی کوردستان و ئێراندا، بۆ زۆرێک لە خۆپیشاندەران، برینەکە چیتر ڕێگایەک نەبوو بۆ چاکبوونەوە، بەڵکو بووە بە "بەڵگەی تاوانباری"، نەخۆشخانە و کارمەندانی پزیشکی و پزیشک هەموویان بوونە ئامرازی سەرکوتکردن.

11:05

زەهرا عەلی، لە پێکهاتەی عەرەب پاش ناسینی بیری ڕێبەری گەلی کورد عەبدوڵا ئۆجالان، بەشداری لە شۆڕشدا کردووە دەڵێت: ئەم هێرشانە بۆ سەر ناوچەکانمان درێژەپێدەری پیلانی ١٥ی شوباتە و پێویستە پێکەوە لە یەکڕیزیدا بوەستین.

10:20

ئەنجومەنی کۆمەڵناسی ئێران بڵاویکردەوە، تەرمی زیاتر لە ٥٠ خۆپیشاندەری کوژراوی ژن لە پزیشکی دادی تاران هەڵگیراون، دەشڵێن: ئەوانەی پەیوەندییان بە ناڕەزایەتییەکانەوە هەیە تەرمەکانیان دەبرێتە حەوشەی پزیشکی داد.

07:58

ئەنجومەنی تەندروستی و پارێزراوی کار لە ماوەی یەک مانگدا گیانلەدەستدانی ١٤٦ کرێکاری بەهۆی بەرزبوونەوەی ڕووداوەکانی شوێنی کار لە کەرتەکانی تەلارسازی و گواستنەوە ڕاگەیاند، کە چوار منداڵ و شەش ژنیشیان تێدایە.

07:50

دادگای ڕژێمی ئێران سزای حەوت ساڵ وشەش زیندانی و دوو ساڵ دوورخستنەوەی بەسەر نێرگس محەمەدی، براوەی خەڵاتی نۆبڵی ئاشتی و چالاکوانی مافەکانی مرۆڤدا سەپاند.

07:20

بەپێی ئاماری سەنتەری میترۆ بۆ داکۆکی لە مافی ڕۆژنامەنووسان لە ساڵی ٢٠٢٥ پێشێلکاری بەرامبەر ٣١ ڕۆژنامەنووسی ژن لە هەرێمی کوردستان کراوە، ڕۆژنامەنووس شنۆ عوسمان دەڵێت: ژنانی ڕۆژنامەنووس زیاتر ڕووبەڕووی ئاڵەنگارییەکان دەبنەوە.

16:14

پلاتفۆرمی دیموکراتی نێودەوڵەتی بۆ ژنان داوای لێپرسینەوەی ئەو کەسانەی بەرپرسیارن لە تاوانەکانی دژ بە ژنان لە ئاستی جیهاندا دەکات و دەڵێت: پێشێلکارییەکانی دژی ژنان تەنها لە ناوچە دیاریکراوەکاندا سنووردار نییە، بەڵکو بۆ ناوچە جیاوازەکانی جیهان درێژدەبێتەوە.

13:44

بنەماڵەی فیدا ربان، چالاکوان ئاشکرایان کرد کە لەلایەن هێزەکانی ڕژێمی ئێرانەوە ڕووبەڕووی توندوتیژی جەستەیی و لێدانی توند کراوە، ئەوەش پشتڕاست دەکەنەوە کە لەئەنجامی ڕەتکردنەوەی باڵاپۆشی زۆرەملێ نیشانەی ئەشکەنجە دان لەسەر جەستەی دیارە.

13:10

بەگوێرەی ئاژانسی ژن نیوز، لەمانگی کانوونی دووەم لانیکەم ١٥ ژن و سێ منداڵ کوژراون، ٩ ژن و ٣ منداڵیش بەشێوەیەکی گوماناوی گیانیان لەدەستداوە.

12:48

بنەماڵەی گوڵستان دۆکو پۆستێکیان لە هەژماری ئێکس بڵاوکردەوەو دەڵێن: دوای ٦ ساڵ تاوانباران دەستمان بۆ درێژ دەکەن. چونکە دەزانن شەیتان یارییەکی گەورە دەکات. لەم کاتەدا تەنها دەتوانین ئەمە بڵێین.

12:27

لە ساتەکانی قەیراندا هونەر لە شوێنێکی جوانکارییەوە دەگۆڕێت بۆ هەڵوێستێکی سیاسی، کشانەوە یان نەبوونی دەبێتە جۆرێک لە بەرخۆدانی هێمایی و سستی دەسەڵات ئاشکرا دەکات و ڕۆڵی هونەرمەند پێناسە دەکاتەوە.

10:00

پزیشک گوڵناز ناراقی کە لە ١٣ی کانوونی دووەم لە تاران دەستبەسەر کرابوو، دوای دوو هەفتە لە نەبوونی هیچ زانیارییەک لەسەری بۆ زیندانی ژنانی قەرچک گواسترایەوە.

09:35

بەپێی ڕاپۆرتی پلاتفۆرمی تاوانەکانی سەر ژنان ڕادەگرین "KCDP" دا هاتووە لە شارەکانی باکووری کوردستان و تورکیا لە مانگی کانوونی دووەم-دا ٢٢ ژن کوژراون و ١٤ ژنیش بە شێوەیەکی گوماناوی گیانیان لەدەستداوە.

09:17

تۆڕی مافەکانی مرۆڤی کوردستان ناسنامەی ٢٢٢ خۆپیشاندەری کوژراوی کوردی بە دەستی ڕژێمی ئێران پشتڕاست کردەوە، هەروەها داوا لە بنەماڵەکان کراوە، کە کوشتنی گیانبەختکردووانیان بخەنە ئەستۆی خۆپیشاندەران.

08:49

تەڤگەری ژنانی کورد لە ئەوروپا"تەژەکە-ئەوروپا" ئەو سیاسەتانەی شەرمەزار کرد کە ئایدۆلۆژیای داعش بەرەوپێش دەبەن و دەڵێت: هەندێک لە دەزگاکانی ڕاگەیاندن سووتەمەنی بە توندوتیژی دژی ژنان دەدەن.

08:00

ئیلهام ئەحمەد، هاوسەرۆکی پەیوەندییەکانی دەرەوەی خۆبەڕێوەبەری ڕۆژئاوا، ڕایگەیاند کە دەبێت گەل بەرامبەر پلانگێڕییەکان هوشیار بێت، لە دەستووردا مافەکانی گەلی کورد زامن دەکرێن و دەستکەوتی گەورەتر بەدەست دەهێنرێن.

14:45

ژمارەیەک هونەرمەندی سینەما لەوانە هودا زەین عابدین و سارا ئەسەدوڵاهی لە فێستیڤاڵی فیلمی ”فجر” کشانەوە وەک ناڕەزایەتییەک بەرامبەر بە کوشتنی خۆپیشاندەران و هاوسۆزی لەگەڵ کەسوکاری ئەو قوربانیانەی کە ئازیزانیان لەدەستدا.