ڕۆژانە

14:10

پەرلەمانتارانی دەم پارتی بە دانانی پانکارتی "ژن، ژیان، ئازادی" لەسەر مێزەکانیان لە گفتوگۆکانی بودجەی وەزارەتی خێزان و سیاسەتی کۆمەڵایەتی تورکیا بەشدارییان کرد.

13:58

بە ڕێککەوتنی ئیسرائیل و حزبوڵا کە ڕۆژانە گفتوگۆی لەسەر دەکرا، ئاگربەستی ٦٠ ڕۆژە لە لوبنان دەستیپێکرد.

13:10

بە بۆنەی ڕۆژی جیهانی بەرەنگاربوونەوەی توندوتیژی دژی ژنان، سیمپۆزیۆمێک بە ناوی "ژنانی یەمەن لە کاتی شەڕدا" لە شاری تەعز لە یەمەن بەڕێوەچوو.

13:07

ڕەنگین عەبدوڵا، ڕۆژنامەنووس و نووسەر بەبۆنەی ٢٥ی تشرینی دووەم نووسیویەتی: ڕۆح و دەروونی ژن پیرۆزە، ٢٥ی نۆڤەمبەر، ڕۆژی وەستانەوەیە لەبەرامبەر توندوتیژی، با هەمووان لە زمان و ئەخلاق و ڕەفتارەوە پابەندی مۆڕاڵی ناتوندوتیژی بین.

13:05

ڕێکخراوی لێبوردنی نێودەوڵەتی ڕاگەیاندراوێکی بڵاوکردەوە و ڕەخنەی لە سەپاندنی سزای لەسێدارەدانی وریشە مورادیی چالاکوانی مافی ژنان گرت و داوای هەڵوەشاندنەوەی دەستبەجێی ئەم سزایە و ئازادکردنی کرد.

12:00

ڕوقیە سادقی، ڕۆژنامەنووسی ئەفغانی لە نامەیەکدا کە ڕۆژی ٢٥ی تشرینی دووەم بۆ ڕێکخراوە نێودەوڵەتییەکانی ناردووە ڕایگەیاندووە: پێویستە ژنانی ئەفغانی سوود لە مافەکانی مرۆڤ وەربگرن، چونکە ئەمە تاکە ڕێگەیە بۆ بونیادنانی کۆمەڵگەیەکی دادپەروەر و مرۆڤدۆستانە.

11:57

لە سەردەمێکدا کە ژنان چاوەڕێی دەرچوونی یاسای خێزانیی دامەزراون؛ کۆمەڵەی ژنان لە کە ڕۆژی جیهانی بەرەنگاربوونەوەی توندوتیژی دژی ژنانە، هەنگاوی دووەمی خۆی بۆ گۆڕینی یاسای خێزان دەستپێکرد.

08:40

سروە پوورمحەمەدی، چالاکوانی مەدەنی و مامۆستای زمانی کوردی، کە پێشتر سزای ١٠ ساڵ زیندانی بەسەردا سەپێنرابوو، لە دادگای تێهەڵچوونەوە بۆ ٥ ساڵ زیندانی کەم کرایەوە.

07:57

خۆبەڕێوەبەری باکوور و ڕۆژهەڵاتی سووریا ئەو خوێندکارانەی بەهۆی شەڕی لوبنانەوە پەنابەر بوون، لە قوتابخانەکانی ناوچەکەدا تۆماری کردن، بنەماڵەی خوێندکارانیش جەختیان لەوە کردەوە کە دەیانەوێت منداڵەکانیان بە زمانی دایک بخوێنن.

14:59

سەرۆک وەزیرانی عێراق ڕایگەیاند، ژمارەی دانیشتووانی عێراق گەیشتووەتە ٤٥ ملیۆن و ٤٠٧ هەزار و ٤٩٥ کەس، هەروەها ٧ ملیۆن و ٨٩٨ هەزار و ٥٨٨ خێزانیش لە عێراق هەن.

14:47

دادگای تاوانەکانی قاهیرە هاوسەرگیری منداڵانی بە "بازرگانیکردن بە مرۆڤ" وەک بەشێک لە سزای بەرزتر پۆلێن کرد، دوای ئەوەی سزای ١٠ ساڵ زیندانیکردنی بەسەر باوکێکدا سەپاند بەهۆی تێوەگلانی لە هاوسەرگیری منداڵێکدا.

14:29

دەشنێ موراد ڕایگەیاند، هەڵمەتی ١٦ ڕۆژی توندوتیژی دژی ژنان خەڵک کۆدەکاتەوە بۆ کۆتاییهێنان بە هەموو جۆرەکانی توندوتیژی ڕەگەزیی، دەشڵێت، ڕێگریکردن لە توندوتیژی زیاتر لە قسەی دەوێت و پێویستی بە کردار هەیە.

13:53

لەچوارچێوەی هەڵمەتی بەرەنگاربوونەوەی توندوتیژی دژی ژنان، ڕێکخراوەکانی ژنان لە سودان لە بەیاننامەیەکدا داوای وەستاندنی دەستبەجێ و بێ مەرجی ململانێ کارەساتبارەکەیان کرد، هەروەها داوایان لە لایەنە ناکۆکیەکان کرد کە لە بەرژەوەندی گەلی سودان کار بکەن.

13:00

مەکەگە لە بارەی دەستبەسەرکردنی ڕۆژنامەنووسانەوە بەیاننامەیەکی نووسراوی بڵاوکردەوە و ڕایگەیاند، لە تێکٶشان بۆ ڕاستییەکان ناوەستن.

12:58

سەنتەری پەرەپێدانی دیموكراسی و مافی مرۆڤ ڕایدەگەیەنێت، بەشێك لە میدیاكان ڕوماڵی نەرێنی حاڵەتەكانی مردن بە خۆكوژی دەكەن، هیچ خزمەتێك بە پرسی رێگریكردن لە توندوتیژی و بیری خۆكوژی و خودئازاردان ناكات لە ناوكۆمەڵگەدا.

10:56

لە سەردەمێکدا کە کەیسە کۆمەڵایەتییەکان زیادیان کردووە و کێشەکان قووڵتر بوونەتەوە، چەمکی ژیانێکی نوێی ئازاد وەک چارەسەری هەموو کێشەکان و بەدیهاتنی یەکسانی نێوان هەردوو ڕەگەز سەیر دەکرێت.

10:31

ئەنجامی ڕاپرسییەکی سێ ڕێکخراوی فەرمی لە یەکێتیی ئەورووپا دەریخستووە کە لە هەر ٣ ژنێک یەکێکیان ڕووبەڕووی توندوتیژی دەبێتەوە.

09:54

پەرستاری گەنج نەفین ئەلدەواوسە کە لە سەرەتای هێرشەکانی سەر غەززەوە فریاگوزاری سەرەتایی بۆ برینداران دەکات، سەرەڕای برینداربوونی بەردەوامە لە هاوکاریکردن و داوای لە گەل کرد دەنگی خۆیان بەرز بکەنەوە دژی شەڕی بەردەوامی غەززە.

09:39

چالاکوانێکی سیاسی و مەدەنی لە شاری کرماشان داوا لە هەموو ژنان دەکات دژی توندوتیژی بوەستنەوە، چونکە پێی وایە کاتی گۆڕانکاری هاتووە.

08:55

ژنانی چالاکوانی مافی مرۆڤ لە مەغریبەوە هاوسۆزی خۆیان لەگەڵ ژنانی فەلەستینی و لوبنانی و ژنانی دیکە، کە لە ژێر قورسایی شەڕە چەکدارییەکان دەژین ڕاگەیاند.