ئەنقەرە

 

بۆ ئەنجامدانی سێیەم کۆبوونەوەی خۆی، ئەندامانی "کۆمیسیۆنی دیموکراسی، خوشک-برایەتی و یەکگرتنی نەتەوەیی" لە هۆڵی میوانداری پەرلەمان کۆبوونەوە. چاوەڕوان دەکرێت کۆبوونەوەکەی کۆمیسیۆن پەیوەست بێت بە دیاریکردنی نەخشەڕێگەی کارکردنی کۆمیسیۆنەکە لە داهاتوودا.

 

"دەبێت کۆمیسیۆن گەرەنتی یاسایی پرۆسەکە و بەڕێوەچوونی دابین بکات"

پێش کۆبوونەوەکەی کۆمیسیۆن، گوڵستان کلچ کۆچیگیت سەرۆک فراکسیۆنی دەم پارتی لە ناو پەرلەماندا کۆنگرەیەکی ڕۆژنامەوانی ئەنجامداو وتی: کۆمیسیۆن نەخشەڕێگەی کارکردنی دیاری دەکات و دەپەڕێتەوە بۆ قۆناغی پراکتیکی، ئەمڕۆ پێکەوە لەسەر کار و بەرنامەکانی کۆمیسیۆن تا مانگی تشرینی دووەم گفتوگۆ دەکەین، پێویستە ئەم کۆمیسیۆنە گەرەنتی یاسایی بەڕێوەچوونی پرۆسەکە و  گەرەنتی یاسایی پرۆسەکە مسۆگەر بکات.