ناوەندی هەواڵ

 

لە سودان، بەرەبەیانی ١١ی ئاب، هێزی پشتیوانی خێرای نیمچە سەربازی هێرشیان کردەسەر کامپی پەنابەرانی ئەبوشوق لە نزیک شاری فاشر، بەپێی ئاماری ڕێکخراوە ناوخۆییەکانی مافی مرۆڤ، لانیکەم ٤٠ کەس کوژراون و ١٩ کەسی دیکەش برینداربوون.

 

گروپی فریاگوزاری "ژوورەکانی وەڵامدانەوەی فریاگوزاری" لە هەژماری تۆڕی کۆمەڵایەتی خۆیدا ڕایگەیاندووە، ڕێکخراوی تیرۆریستی داعش هێرشی کردووەتە سەر بەشێک لە کامپەکە و خەڵکی لە شوێنەکانیان کردووەتە ئامانج.

 

کامپەکە دەکەوێتە دەوروبەری فاشر و نزیکەی ٤٥٠ هەزار ئاوارە تێیدا نیشتەجێیە و بە درێژایی شەڕەکە چەندین جار هێرش کراوەتە سەر.

 

هەروەها "لیژنەکانی بەرخۆدان" کە لە ناوچەکەدا چالاکن، هێرشەکانیان پشتڕاستکردەوە و ڕووداوەکانیان بە "پێشێلکارییەکی ترسناک بەرامبەر بە کەسانی بێتاوان و بێ بەرگری" پێناسە کرد.

 

بەپێی ڕاپۆرتی ئاژانسی هەواڵدەریی فەرەنسا، مینی ئەرکۆ میناوی، پارێزگاری دارفور ڕایگەیاندووە،فاشیر "سەرکەوتنی بەسەر ئەو کەسانەدا بەدەستهێناوە کە خیانەتیان لە وڵاتەکەی کردووە".