دیڤان سیهاد

 

قەندیل- بەبۆینەی ٤ی نیسان ڕۆژی لە دایکبوونی ڕێبەری گەلی کورد عەبدوڵا ئۆجالان، دوێنێ لە لایەن شارەوانی بناری قەندیل ئاهەنگێک ساز کراو وەک هەموو ساڵێک لەو ڕۆژەدا ٧٦ نەمام چاندرا، لە سەرەتای ئاهەنگەکە خولەکێک ڕێزگرتن بۆ گیانی پاکی شەهیدان دواتر لە لایەن هەڤاڵ دڵشێر، سەرۆکی شارەوانی بناری قەندیل وتارێک پێشکەش کرا کە باس لە خەبات و بەرخودانی ڕێبەری گەلی کورد کراو چەند وتە و پارچە هۆنراوە خوێندرانەوە دواتر نەمام چێندرا.

 

"گەلانی دیکەش سود لە بیرو فەلسەفەی ڕێبەر ئاپۆ وەردەگرن"

سەروین جەلال، هاوسەرۆکی بناری قەندیل وتی: دیارە ئەمڕۆ ڕۆژی ساڵیادی لە دایکبوونی سەرۆک ئاپۆیە، ئەو ڕۆژە پیرۆز دەکەم لە سەرۆک ئاپۆ و تەواوی گەلی کورد و لە ژنانی هەر چوار پارچەی کوردستان، لە ژنانی ئازادیخوازەوە لە گەریلاکانی ئازادی کە لە چیاکاندا بەرخودان دەکەن پیرۆز بێت، دیارە ئەم ڕۆژە وەکو واتا بۆ گەلی کورد زۆر گرنگە واتای نەک هەر لە دایکبوونی کەسێکە، بەڵکو لە دایکبوونەوەو زیندوو بوونەوەی گەلێکە لە دوای زیندە بەچاڵکردن و لە دوای چەوساندنەوە، لەمڕۆژەدا ٤ی نیسانی هەر ساڵێک بووەتە نوێ بوونەوەیەک و زیندوو بوونەوەی گەلێک ب،ە تایبەت نەک هەر بۆ گەلی کورد نوێ بوونەوە بەڵکو بۆ هەموو گەلانی ڕۆژهەڵاتی ناوەڕاست کە دەبینین گەلانی دیکەش سود لە بیرو فەلسەفەی ڕێبەر ئاپۆ وەردەگرن، لە ڕۆژهەڵاتی ناوەڕاست و لە دەرەوەی ڕۆژهەڵاتی ناوەڕاست لە جیهاندا بەگشتی بیری ڕێبەر بڵاوبۆتەوە بۆ هەموو گەلان سودی هەیە، بە تایبەت ئەمڕۆش چونکە بۆ گەلی کورد ڕۆژێکی جیاوازەو ڕۆژێکی پیرۆزە هەم لە دایک بوونەوەمان واتای ئەوەیە کە کورد جارێکی کە هەستایەوە سەر پێی خۆی، جارێکی کە بتوانێت بەرامبەر زولم و ستەم و داگیرکاری و چەوساندنەوە و قڕکردن بوەستێتەوە.

 

ئاماژەی بەوەشکرد، بەهۆی تێکۆشان و خەباتی ڕێبەری گەلی کورد، گلی کورد توانی خەباتی ئازادی مافە ڕەواکانی خۆی بەدەستبهێنێت، ئێستاش توانیویەتی پەرە بەم خەباتە بدات و تێکۆشان بکات، هەروەها درێژە بە ڕێبازی سەرۆکایەتی بدات، کە دەشبینین ٢٦ ساڵە لە زینداندا خەبات دەکات و ئەم ساڵیش کە لە ٢٧ی شوبات پەیامێکی بۆ گەلی کورد و تەواوی جیهان نارد کە پەیامی ئاشتی و دیموکڕاتیگ و کۆمەڵگەیەکی دیموکڕاتیگی ڕاگەیاند، ئەمەش گرنگیەکی زۆری بینیوە هەروەها خەڵکیش بە دەم بانگەوازەکەیەوە بوون،  لە هەمانکاتدا ئەمڕۆ لە ٤ی نیسان وەکو کۆمیتەی ئامادەکار وەکو ژنانی بناری قەندیل دیارە لەم ڕۆژەدا وەکو هەر ساڵێک نەمام دەچێنین، ڕێژەی نەمامەکانیش بە قەت تەمەنی ڕێبەرە کە ٧٦ نەمامە، زیاتر نەمام هاتوون بەڵام ٧٦ دەچێنین، لەم ڕۆژەدا نەمام دەچێنین چونکە ڕێبەر گرنگیەکی زۆری بە ژینگە داوە، ژینگە یەکێکە لە پایەکانی کۆمەڵگەیەکی دیموکڕاتیک، بۆیە لە ڕۆژی لەدایک بوونیدا زیاتر گرنگی بە ژینگە دەدەین و نەمام دەچێنین، وە دەمانەوێت ژینگەمان بەرەو سەوز بوون و هەوایەکی پاکو خاوێن بچێت.

 

لە کۆتایی قسەکانیدا سەروین جەلال وتی: ڕێبەر گرنگییەکی زۆری بۆ ژنان هەیە بە تایبەت ژن کاریگەری کردۆتە سەر تەواوی ژنانی ڕۆژهەڵاتی ناوەڕاست و ژنانی باشوری کوردستانیش وردە وردە دەبینی کە بە پەرۆشەوە دەچن بەرەو بیری ڕێبەر، زیاتر گرنگی پێدەدەن، ئەمەش گرنگیەکی تایبەت بە خۆی هەیە بۆ ژن، پێویستە ژنیش لەم ڕۆژانەدا زیاتر ئەم ڕۆژە بەرز بنرخێنێت و  زیندووی بکاتەوە، هەروەها بتوانین لەم ڕۆژەدا زیاتر خۆمان بەرەپێش ببەین و بیری ڕێبەر زیاتر بڵاو بکەینەوە.