ناوەندی هەواڵ

 

لە گوندی زەنجلی شارۆچکەى خورماتوو سەر بە پارێزگای سەڵاحەدین، پۆلیشی شارۆچکەکە ڕایگەیاند بەهۆی تەقینەوەی بۆمبێکی چێنراو بە ئۆتۆمبێلی خێزانێکی دانیشتووی گوندەکەدا لەکاتی چوونیان بۆ سەر زەوییە کشتوکاڵیەکانیان ژنێک گیانی لەدەستدا و دوو پیاو و منداڵێکی ئەندامی خێزانەکەشی برینداربوون و گەیەندراونەتە نەخۆشخانەی گشتی خورماتوو بۆ چارەسەرکردنیان.

 

پۆلیش ئەوەشی خستەڕوو کە گومان دەکەن بۆمبەکە لەلایەن چەتەکانی داعشەوە چێندرابێت، چونکە ماوەیەک لە سنوری ئەو گوندانە جموجۆڵی زۆریان دەست پێکردووە.

 

ت.پ