کەنەکە لەگەڵ ئاشورییەکان کۆبووەوە پرسی داگیرکارییەکانی سەر باشورییان کردە باسی کۆبوونەوەکەیان.

هەولێر

 

کۆنگرەی نەتەوەیی کوردستان بەردەوامە لە زنجیرە سەردانەکانی بۆ لای لایەنە سیاسی و ڕێکخراوەکانی باشوری کوردستان بە مەبەستی پتەوکردنی یەکێتی نەتەوەیی و یەکڕیزی لایەنە سیاسییەکانی باشوری کوردستان.

 

ئەمڕۆ شاندی کۆنگرەی نەتەوەیی کوردستان-کەنەکە بە سەرۆکایەتی زەینەب موراد سەردانی یەکێتی بیث نهرین’ی نیشتمانی، کە حیزبێکی تایبەتە بە ئاشورییەکان، کرد و لەلایەن یوسف یعقوب مەتە سەرۆکی حیزبەکە یاوەری کران، لە کۆبوونەوەکەدا سەرەتا باسیان لە هێرشەکانی دەوڵەتی تورکیا و ئەو مەترسیانە کرد کە لە بێدەنگی و نەبوونی هەڵوێستی لایەنەکانەوە دێتە کایەوە، هەروەها هێنرایە سەر زمان بۆ سەروەری خاکی کوردستان و یەکڕیزی لایەنە سیاسییەکان لە پرسە نەتەوەیی و نیشتمانییەکاندا، هاتنە لای یەکی لایەنەکان هەنگاوی سەرەکییە.

هەروەها خرایەڕوو ئەو ناوچانەی دەوڵەتی تورکیا لە ئێستادا هێرشیان دەکاتە سەر هەرێمەکانی زاپ، ئاڤاشین و مەتینایە، دانیشتوانی ئەو ناوچانەش زۆرینەیان مەسیحین، ئەمەش مەترسی بۆسەر ئەوان و دانیشتوانی دیکە دروستکردووە، گوندەکانیان بەهۆی بۆردومانەکانەوە وێران دەکرێت و خەڵکەکەی ئاوارە دەبن، ئاشورییەکان ئاماژەیان بەوەکرد لەگەڵ یەکڕیزی لایەنەکانی باشوری کوردستانداین و ئیدانەی هێرشەکانی دەوڵەتی تورکیا دەکەین.

کەنەکەش ئاماژەی بەوەدا ئەو ئەرکەی لەسەر شانیانە هێنایە لای یەکی لایەنە سیاسییەکان و دیالۆگی هاوبەشی سیاسییەکانە بۆ پاراستنی خاکی کوردستان و نەتەوە و ئاینە جیاوازەکانی، لە هەوڵەکانیشیان بەردەوام دەبن تا پێکهاتنی کۆنگرەی نەتەوەیی.

 

ت.پ