ناوەندی هەواڵ

 

لەیلا شەهید یەکێک بوو لە کەسایەتییە دیارەکانی فەڵەستین کە ڕۆڵی سەرەکی لە گۆڕەپانی سیاسی و دیپلۆماسیدا هەبوو، بە هەڵوێستە بوێرانەکەی و هەوڵە ماندوونەناسەکانی بۆ هۆشیارکردنەوەی دۆزی فەڵەستین لە ئاستی نێودەوڵەتیدا جیاواز بوو، ئەمەش وایکرد کە ببێتە یەکێک لە کەسایەتییە بەڕێزەکان لە بازنەی دیپلۆماسی و سیاسیدا.

 

لەیلا شەهید، نوێنەری پێشووی فەڵەستین لە پاریس و برۆکسل، ١٨ی شوبات، لە ماڵەکەی خۆی لە باشووری فەرەنسا بە مردوویی دۆزرایەوە، لێکۆڵینەوەکان بۆ دیاریکردنی بارودۆخی مردنەکەی بەردەوامن، بەتایبەتی بە لەبەرچاوگرتنی ئەوەی کە چەند ساڵێکە بەدەست نەخۆشییەوە دەناڵێنێت.

 

لەیلا شەهید لە ١٣ی حوزەیرانی ساڵی ١٩٤٩ لە شاری بەیروت لەدایک بووە، دوای تەواوکردنی خوێندنی ناوەندی، بۆ خوێندنی کۆمەڵناسی و ئەنترۆپۆلۆژی لە زانکۆی ئەمریکی لە بەیروت خوێندوویەتی، لە ساڵی ١٩٧٦ بە سەرۆکی لقی یەکێتی گشتی خوێندکارانی فەڵەستین لە فەرەنسا هەڵبژێردرا و لە ساڵی ١٩٨٩ بوو بە یەکەم ژنی فەڵەستینی کە وەک نوێنەری ڕێکخراوی ڕزگاریخوازی فەڵەستین لە ئیرلەندا دەستنیشانڤکرێت.

 

لەیلا شەهید لە ساڵی ١٩٩٠ نوێنەرایەتی ڕێکخراوی ڕزگاریخوازی فەڵەستین لە هۆڵەندا و دانیمارک کردووە، لە نێوان ساڵانی ١٩٩٣ بۆ ٢٠٠٥ وەک نوێنەری گشتی ڕێکخراوی ڕزگاریخوازی فەڵەستین لە فەرەنسا کاری کردووە، لە ساڵی ٢٠٠٦دا هەمان پۆستی لە یەکێتی ئەوروپا و هەروەها لە بەلجیکا و لۆکسمبۆرگ وەرگرتووە و تا ساڵی ٢٠١٤ لەم ڕۆڵەدا بەردەوام بووە.

 

بەدرێژایی ساڵان، وەک دەنگێکی دیار کە نوێنەرایەتی فەڵەستین و گەلەکەی دەکات لە ئەوروپا دەرکەوت، لە زۆربەی دەزگاکانی ڕاگەیاندنی ئەوروپیدا وەک داکۆکیکارێک لە مافی سەربەخۆیی و سەروەری گەلی فەڵەستین بەسەر خاکەکەیدا، هەروەها وەک لایەنگری کولتوری فەڵەستین و نوێنەرانی ناسنامەی بەدەستهێنا.

 

لە ساڵی ١٩٨٢دا ڕۆڵێکی سەرەکی بینی لە گەیاندنی ڕاستییەکانی کۆمەڵکوژی سابرا و شاتیلا بۆ جیهان، کاتێک لەگەڵ ڕۆشنبیری دیاری فەرەنسی جین جینێت سەردانی شوێنەکانی کۆمەڵکوژیەکەی کرد، کە لەم سەردانەدا ئیلهامێکی وەرگرتووە بۆ نووسینی دەقە بەناوبانگەکەی بەناوی "چوار کاتژمێر لە شاتیلا".