ناوەندی هەواڵ

 

ڕێکخراوی هیومان ڕایتس وۆچ ڕاپۆرتێکی لەسەر پێشێلکارییەکانی جەنگ لە باکووری ڕۆژهەڵاتی سووریا بڵاوکردەوە و دەڵێت: چەکدارانی سەر بە حکومەتی سووریا لە گەڕەکەکانی حەلەب، تەرمی ژنە شەڕڤانێکیان لە سەربانی باڵەخانەیەکەوە فڕێ داوەتە خوارەوە، ئەم کارەش وەک بێڕێزیکردن بە تەرم و تاوانی جەنگ لە قەڵەم دراوە.

 

هەروەها باس لەوە کراوە، کە هێزە ئەمنییەکانی حکومەتی جۆلانی لە حەلەب هەڵمەتێکی دەستگیرکردنیان دەستپێکردووە، دەیان هاووڵاتی کوردیان ڕاپێچی شوێنی نادیار کردووە، و دوای کۆنترۆڵکردنی بەنداوی تشرین لەلایەن هێزەکانی حکومەتەوە، بە ئەنقەست ئاو و کارەبا لەسەر ناوچەکانی کۆبانێ و بەشێک لە حەلەب بڕدراوە.

 

ئادەم کوگڵ، جێگری بەڕێوەبەری بەشی ڕۆژهەڵاتی نێوەڕاست لە ڕێکخراوەکە وتی: بەکارهێنانی پێداویستییە سەرەتاییەکان وەک چەک دژی خەڵکی مەدەنی پێشێلکاری و تاوانی دژی مرۆڤایەتیە.