ناوەندی هەواڵ

 

پاشنیوەڕۆی ئەمڕۆ شاندی هونەرمەندانی چوار پارچەی کوردستان لە کۆنگرەیەکی ڕۆژنامەنووسیدا لە شاری هەولێر ئەنجامدا و ئاماژەیان بەوەدا لە ئێستا مەترسی شەڕی کورد بە کورد دەبینین، ئێمە بڕوامان بەوە هەیە کە گەلی کورد دەنگیان بکەنە پاڵ دەنگمان و رێگە لە مەترسی هەڵگیرساندنی شەڕ بگرین.

 

هونەرمەند شەهێن تاڵەبانی خەڵکی ڕۆژهەڵاتی کوردستان لە کۆنگرە ڕۆژنامەنووسییەکەدا وتی: من وەکو کوردێک داوا دەکەم حزبەکان دەست لەشەڕ هەڵبگرن، بۆچی کەسی خۆمان بکوژین و تەمەننا دەکەم حزبە بەڕێزەکان بیر لە خەڵکی کوردستان بکەنەوە، من دەڵێم مەترسیی لەسەر ئەم بەشەی کوردستان هەیە و داوا دەکەم جارێکی تر شەڕ نەکەن.

 

هەروەها شڤان پەروەر هونەرمەندی خەڵکی باکوری کوردستان ڕایگەیاند: ئەگەر خۆمان نەپارێزین ئەوا نابین بە گەل، وڵاتان گەلی ئێمە ناپارێزن، لە هەر ناوچەیەکی دونیادا کورد هەیە، لە ئەمریکا ئوسترالیا و ئەوروپا، بەڵام لە هیچ شوێنێک کورد ناپارێزرێت، بۆیە پێویستە ئێمە خۆمان بپارێزین.

 

ت.پ