ناوەندی هەواڵ

 

کۆمەڵەی نووسەرانی ئێران بە بۆنەی پێنجەمین ساڵیادی خۆپیشاندانەکانی تشرینی دووەمی ٢٠١٩ کە لە سەرتاسەری ناوخۆی ئێران لە لایەن هاوڵاتیان دەستی پێكرا بەیاننامەیەکیان بڵاوکردەوە و ڕایگەیاند، ئەم ڕۆژە هاوکاتە لەگەڵ دەرکردنی سزای لەسێدارەدان بۆ دوو زیندانیی سیاسیی کورد لە زیندانی ئێڤین بە ناوەکانی وریشە مورادی و پەخشان عەزیزی و شەش چالاکوانی دیکە کە بەشدار بووی خۆپیشاندانەکانی شۆڕشی ژینا ئەمینی بوون.

کۆمەڵەی نووسەرانی ئێران دەشڵێن، دەسەڵاتدارانی ئێران سەپاندنی سزای لەسێدارەدان بەسەر وریشە مورادی و پەخشان عەزیزی وەک ئامرازێک بۆ چڕکردنەوەی سەرکوتکردن بەکار دەهێنن.

 

دەقی بەیاننامەکەی کۆمەڵەی نووسەرانی ئێران؛

جارێکی تر، لە ڕۆژانی پێش ساڵیادی سەرکوتکردنە خوێناوییەکەی تشرینی دووەمی ٢٠١٩، دەسەڵاتی دادوەری سزای لەسێدارەدانی بۆ وریشە مورادی، کارمەندی کۆمەڵایەتی و چالاکوانی سیاسی دەرکرد. هاوکات دۆسیەی پەخشان عەزیزی چالاکوانێکی تری کۆمەڵگەی مەدەنی کە سزای لەسێدارەدانی بەسەردا سەپێنراوە، بەهەمان شێوە بەدواداچوون دەکرێت و ترسی ئەوە هەیە سزای لەسیدارەدانەکە پەسەند بکرێت. ئەم هەڵوێستەی دادوەری لەگەڵ دەرکردنی سزای تۆڵەسەندنەوە بۆ شەش چالاکوانی دیکە کە بەشداربووی خۆپیشاندانەکانی شۆڕشی ژینا ئەمینی بوون، لە پشت دەرگا داخراوەکان جێی گومانن، ئاماژەیە بۆ پابەندنەبوونی دەسەڵاتی دادوەری بە مافەکانی مرۆڤ.

 

لە ماوەی ئەو پرۆسەیەدا کە بووە هۆی دەرکردنی سزایەکی نامرۆڤانە، وریشە مورادی و پەخشان عەزیزی لە مافی بینینی پارێزەر و دەستگەیشتن بە کەیسەکە و بەرگری کاریگەر لە کاتی دادگاییکردندا بێبەش کران و سزای لەسێدارەدانیان پێشوەخت لە ڕێگەی تۆمەتبارکردنی دەزگا ئەمنییەکانەوە دیاری کرابوو. ڕۆژانە ژنان و گەنجان و جالاکوانان سووربوونی خۆیان نیشان دەدەن بۆ ڕووبەڕووبوونەوەی شەپۆلی گەشەسەندنی ئازادی و بەئاگاهاتنەوەی خەڵک.

 

مامەڵەی ئەم دواییەی ئەو خێزانانەی کە لە سەرکوتکردنی ساڵانی ٢٠١٩ و ٢٠٢٢ بەشدار بوون، حکومەت لە شێوەی لەسێدارەدانی نامرۆڤانە، لە ڕێگەی بڵاوکردنەوەی  ترس و نائومێدی و قەیرانی ئابووری و کۆمەڵایەتی و کەلتووری هەوڵەکانی بۆ سەرکوتکردن چڕتر کردووەتەوە.

 

کۆمەڵەی نووسەرانی ئێران بە پشتبەستن بە ڕۆحی گشتی دەستووری خۆی، سزای لەسێدارەدان بە سزایەکی نامرۆڤانە دەزانێت و حوکمی ئەو جۆرە سزایە بۆ هەموو تۆمەتبارێک بە هەر تۆمەت و هەڵوێستێک بێت، ئیدانە دەکات. هەروەها داکۆکی لە مافی دادپەروەری و ئازادی ڕادەربڕین بۆ قوربانیانی تشرینی دووەمی ٢٠١٩ و شۆڕشی”ژن ژیان ئازادیی”  ٢٠٢٢ دەکات و داوا لە سەرجەم ئازادیخوازان دەکات شان بە شانی هاوڵاتییانی سەرکوتکراو لەم ڕووداوانە و ڕێوشوێنە دادوەرییەکانی دواتردا بوەستن و دەنگیان دژی سەرکوت و لەسێدارەدان بەرز بکەنەوە.