ناوەندی هەواڵ

 

پلاتفۆرمی ڕەنج و دیموکراسیی وان، لە چوارچێوەی ١ی ئەیلول، ڕۆژی جیهانیی ئاشتی، لە هۆڵی کۆنفرانسی نوسینگەی یاسایی وان پانێڵێکی ئەنجامدا. نووسەر فاتمە ئایزۆل و هاکان تاهماز، سەرۆکی وەقفی ئاشتی و جۆشکون ئوستەرجی، سکرتێری گشتی وەقفی مافەکانی مرۆڤی تورکیا "TÎHV" قسەیان کرد.

 

'پەروەردە بە زمانی دایک و مافە سەرەتاییەکانی مرۆڤ شیاوی دواخستن نین"

فاتمە ئایزۆل تیشکی خستەسەر بانگەوازی ئاشتی و کۆمەڵگەی دیموکراتیکی ڕێبەری گەلی کورد عەبدوڵا ئۆجالان و وتی: پاش ٥٠ ساڵ شەڕ، دەبێت بەدوای سێ پرسیاردا بگەڕێین: چۆن پێکەوەبژین، بۆچی دەبێت پێداگریی لەسەر ئاشتی بکەین و بۆچی دەبێت ژنان لە چەقی پرۆسەکەدا بن؟ گەر بتوانین بەدرووستی وەڵامی ئەم سێ پرسیارە بدەینەوە، دەتوانین پێویستی ئاشتی بخەینەڕوو.

 

فاتمە ئایزۆل ڕایگەیاند داخوازییەکان بۆ کۆماری دیموکراتیک و پەروەردە بە زمانی دایک و مافە سەرەتاییەکان، شیاوی دواخستن نین، گوتی: "ئەوانەی لە هەمووان زیاتر ئاشتییان دەوێت و زۆرتریان باجیان داوە، ژنانن. دەبێت تێکۆشانی ژنان لە بنیاتنانی ئاشتییدا یەکلاکەرەوە بێت.

 

'دەبێت ئیتر هەنگاوبنرێت بۆ ئازادی عەبدوڵا ئۆجالان'

ئایزۆل ڕایگەیاند دەبێت بونیادنەری پرۆسەکە، ڕێبەری گەلی کورد ئازاد ببێت، ئاماژەی بەوە کرد ڕێبەر ئاپۆ دەیەوێت ئێمە دەربارەی بنیاتنانی ئاشتی بدوێین نەوەک ئازادیی خۆی، گوتی: "بەڕێز ئۆجالان دەڵێت 'دیلگرتنی کەسێک، دیلگرتنی کۆمەڵگەیە'. بۆیە داوای ئازادیی بەڕێز ئۆجالان، خاڵێکی ڕاست و درووستە. دیلگرتنی دانوستانکاری سەرەکی ڕێگە بۆ مشتومڕ دەکاتەوە. دەبێت ئیتر هەنگاوبنرێت بۆ ئازادیی ئۆجالان.