ناوەندی هەواڵ

 

لە جیهانی سینەمادا ئەو بەرهەمانەی کە کێشە کۆمەڵایەتییەکان و چیرۆکە مرۆییەکان بە شێوازێکی هونەری دەخەنە ڕوو هەمیشە سەرنجڕاکێشن، لەم چوارچێوەیەدا، فلمە نوێیەکەی سینەمای ئەفریقیا "Goodbye Julia" کە لەلایەن دەرهێنەر محەمەد کۆردۆفانییەوە ئامادە کراوە، وەک یەکێک لە گرنگترین بەرهەمەکانی ساڵانی ڕابردوو دەناسرێت، فلمەکە بە ناوەرۆکە قوڵەکەیەوە و بە سەرکەوتنە مێژووییەکەی خۆی لە فێستیڤاڵی فلمی کاندا جێی گرتووە و خەڵاتی وەرگرتووە.

 

ئەم بەرهەمە چیرۆکی مونا و جولیا دەگێڕێتەوە کە لە ناو ناکۆکییە سیاسییەکان و کێشە کۆمەڵایەتییەکانی نێوان باکوور و باشووری سوداندا هەوڵی ناسینی ماف و ئازادیی خۆیان دەدەن، لە ناو لایەنە هەرە سەرنجڕاکێشەکانی ئەم بەرهەمەدا، دیدگای قوڵی ژنان دەبینرێت، فلمەکە چیرۆکی سیاسی و کۆمەڵایەتیی سودان بە چاوی ئەم دوو ژنە دەگێڕێتەوە و قوڵایی کاریگەریی جەنگ لەسەر ژیانی ڕۆژانەیان دەخاتە ڕوو.

 

لە هەمان کاتدا، ئەم بەرهەمە سەرکەوتنێکی مێژوویی نیشان دەدات و وەک یەکەم فلمی سینەمای سودان دەناسرێت کە لە مەیدانی نێودەوڵەتیدا دەنگی دایەوە، لە لایەکی ترەوە پەیوەندیی نێوان مونا و جولیا بابەتی هاوڕێیەتی و لێخۆشبوونی خستووەتە پێشەوە و نیشان دەدا کە چۆن مرۆڤەکان دەتوانن لە ژێر سێبەری جیاوازییە نەتەوەیی و کولتوورییەکاندا پردێکی هاوڕێیەتی دروست بکەن.