هەڵەبجە

 

بەڕێوەبەرایەتی گشتی ڕۆشنبیری و هونەر لە شاری هەڵەبجە لە ڕۆژی جیهانی سینەما، ٢٨ی کانوونی یەکەمدا، بۆ پشتیوانی سینەماکارانی کورد شەش فیلمیان لە شارەکە نمایش کرد، کە لە دەرهێنانی دەرهێنەرانی کوردە و باس لە ژیان و ڕاستی کۆمەڵگە دەکات.

 

لیلیان ئەمیر، دەرهێنەری فیلمی ژووری سور لە دوای نمایشکردنی فیلمەکەی وتی: فیلمەکەم باس لەو ژنانە دەکات کە بە تەنها دەژین و لە کۆمەڵگەدا ڕووبەڕووی ئاستەنگ و بەربەست دەبنەوە، هیوادارم فیلمەکەم ببێت بە بەشێک لەو هەنگاوەی کە کێشەی ژنان چارەسەر بکەم و پیشانی بدەم، هەروەها لە ڕێگەی فیلمەکەشەوە هۆشیاری بە کۆمەڵگە بگەیەنین.

 

هەروەها وتیشی: پێویستە لە فیلمەکاندا دابونەریت و کولتووری کوردی بپارێزین، چونکە ئەگەر کولتوورمان نەپارێزین، چۆن لە فێستیڤاڵەکاندا وەک کورد بناسرێینەوە.