rojane

14:26

Yekitiya Ragihandina Jin (YRJ) û Yekitiya Ragihandina Azad (YRA) têkildarî rojnamevanên di dema dawî de li Bendava Tişrînê hatibûn hedefgirtin daxuyanî dan û gotin: “Dewleta Tirk bi êrîşan dê nikaribe dengê me qut bike.”

14:14

Rejîma Îranê li bajarê Pîranşar a Rojhilatê Kurdistanê êrişî malekî kir û îşkence li du jinên Kurd kir.

12:50

Heyeta Îmraliyê piştî ku li Silêmaniyê bi Serokê YNK’ê Bafil Celal Talebanî, Qubad Talebanî û Şanaz Îbrahîm re civiya daxuyaniya çapemeniyê dan.

12:44

Di çarçoveya lêpirsîna navenda wê Stenbolê de 3 rojnameger hatibûn binçavkirin. MKG'ê bertek nîşanî binçavkirinan û zextên li ser rojnamegeran da û xwest rojnameger demildest bên berdan.

12:29

Hiqûqnasa Îranê Nasrîn Sotoudeh û Sedigheh Vasmaghî bi daxuyaniyek hevpar bertek nîşanî cezayê darvekirinê yê li Pexşan Ezîzî, Werîşe Muradî û Şerîfe Muhammedî hatiye birîn dan û gotin: “Divê bi temamî cezayê mirinê were rakirin.”

11:38

Di danişîna doza rojnameger Bêrîtan Canozer de ku bi îdiaya “propagandaya rêxistinê” tê darizandin, salek û 3 meh cezayê girtîgehê lê hate birîn.

11:33

Meclîsa Jinên Sûriyê di panêla diyalogî ya li Şamê de bal kişand ser rola û misyona jinan a di Destûra nû ya Sûriyê de û beşdarên panelê aşkera kirin ku dûrxistina jinan a ji qadên cuda yên jiyanê, red dikin.

11:21

Fuara pirtûkan a Mahabadê, îsal bi beşdariya zêde ya jinan bi berhemên cuda balê dikşîne. Ev çalakiya ku ji bo çand, huner û wêjeyê bandorê çêdike û teşwîq dike, ji bo belavkirina fikir û hişyarkirina civakê derfetek girîng e.

11:09

Jinên Efrîkayî, di civîna Tora GIMAC a li Addis Ababayê hat lidarxistin de, bang kirin ku tundiya li ser bingeha zayendiya civakî bê bidawîkirin û ji bo vê yekê gavên lezgîn bên avêtin.

10:16

229 parêzerên Îranê bi nameyekê bang li dadwerê Îranê kirin ku cezayê darvekirinê yê li Werîşe Mûradî, Pexşan Ezîzî û Şerîfe Mihemedî hatiye birîn, bê rawestandin.

10:02

Li Stenbolê di serdegirtina malan de endamên EMEP, SYKP, HDK, ESP, DBP, Partiya Çep a Kesk û rojnameger jî di nav de herî kêm 52 kes hatin binçavkirin.

09:35

Hela El-Ebid a yek ji niştecihên bajarê Helebê ye, da zanîn ku jiyan buha ye, xizmetên tunduristiyê kêm in û nikarin zarokên xwe baş xwedî bikin. Dayîka ku êş û azarên xizaniyê dikşîne, bang li rayedaran kir ku bihîstyar bin.

08:28

Parêzvana mafên jinan Îlhamî Belfehilî diyar kir ku sendîka li Mexribê, di parastina mafên siyasî û civakê yên çîna karker de xwe rol in, hevkariya di navbera rêxistinên mafên mirovan û sendîkayan de bo sererastkirina hiqûqa malbatê bandore çêdike.

08:13

Bandorên derûnî yên destdirêjiyê kûr û wêranker e. Dema ku medya van mijaran her ku diçe zêdetir dike rojev, ev pirs dikeve serê mirov: Gelo ev sûc zêdetir dibin, an jî bi saya medyayê bêtir tên dîtin?

06:00

Li Zîvala Xezayê cenazeyên ku rizî bûne û ava kanalîzasyonê di serî de zarok, ji bo jiyana hemû mirovan xeter e. Çaresernekirina pirsgirêkên binesaziyê, krîzê kûrtir dike.

05:50

Endama Yekîtiya Parêzerên Bakur û Rojhilatê Sûriyê Atiya Yusuf xwest ku di destûra nû ya Sûriyê de mafên jinan bên misogerkirin û got “Li hember dîwarên çewsandinê yên dixwazin li ber me çêkin, pêwîst e em bi yekîtî û birêxistinbûna xwe bibin bersiv.”

05:30

Gelê Bakûr û Rojhilatê Sûriyê ku ev nêzî 40 roj in li Bendava Tişrînê berxwedanek dîrokî nîşan didin, destnîşan kirin ku ji ber êrîşan li herêmê xizmetên ceyran û avê qût bûye û 413 hezar sivîl ji van xizmetan bê par mane.

05:00

Hunermend Someya Mihemed têkildarî çêkirina klîba nû ya bi navê “Bendava me ye” got ku hunermend bi çêkirina stranan piştgirî didin berxwedana dîrokî ya Bendava Tişrînê.

20:05

Çalakvana siyasî Parivash Moslemi ku li Girtîgeha Evînê girtî ye, ji bo şermezarkirina nehiştina alîkariya lezgîn dest bi greva birçîbûnê kir.

18:58

Berdevka DEM Partiyê Ayşegul Doganê piştrast kir ku Rêber Apo ji Qendîl, Ewropa û Bakur û Rojihilatê Sûriyeyê re name şandiye û got: “Wan bi xwe jî ragihand. Me jî ev yek teyît kir.”