rojane

08:26

Analîsta siyasî Temara El-Hedad bal kişand ser rewşa jinên li Xeza û Sûriyê û got: "Li herdu herêman herî zêde jin zehmetiyan dikşînin. Ji bo bidawîbûna van kêşeyan û edaletê, pêwîstî bi hevgirtinê heye."

07:57

Hêzên îstîxbaratê yên Talîbanê ku her roj bi pêkanînên xwe yên dermirovî tên rojevê, vê carê jî avêtin ser avahiya radyo Begum û xebatkarên wê binçav kirin. 3 jinên ku ji radyoyê hatin binçavkirin, wenda ne.

07:37

Hayat Ruheybî ya ku li Yemenê mafên jinan û keçikên rastî destdirêjiyê tên diparêze, ji aliyê cîhadîstan ve hedef tê nîşandan. Hayat, dibêje ku midûrê ewlehiyê bi xwe jî êrîşî wê kiriye û ji saziyên navnetewî destek dixwaze.

07:13

Parlamentera DEM Partî ya Wanê bertek nîşanî avetina qeyûm da û diyar kir ku bi qeyûman pêşî li aştiyê digrin û got: “Gel li benda gavên jidil bû lê avêtina qeyûman nîşan dide ku ev gav tenê di gotinê de mane.”

05:30

Jin û mêrên ku di encama têkoşînê de karîne şoreşeke hişmendî û nirxên azadiyê bipêş bixin, dikarin bibin xwedî hevjiyana azad. Şoreşek civakî ancax dikare bi pêkanîna hevjiyana azad di hemû qadên civakê de pêk were.

05:00

Şêniyên Bajarê Kobanê yên ku ji bo parastina ax, av û ceyrana xwe li Bendava Tişrînê nobedarî dikin, dan zanîn ku çawa li Kobanê DAIŞ’ê têk birine, ewê li Bendava Tişrînê jî dewleta Tirk û çeteyên wê têk bibin.

17:34

Komek ji parêzvanên mafên mirovan û xizmên girtiyan ku Nêrgis Mihemedî jî di nav de ye, di çarçoveya kampanyaya “Roja sêşemê na ji cezayê darvekirinê re” li ber girtîgeha Êvînê kom bûn û daxwaza rawestandina cezayên darvekirinê kirin.

17:29

REPAK’ê ji bo betalkirina qanûna “zewicandina zarokên keç ên ji 18’ê saliyê biçûktir” û ji bo betalkirina efûya girtiyên DAIŞ’î, banga têkoşînê kir.

15:52

Rojnamegera Efganistanê Zakia Kawia ku di qada mafê jin û mirovan de çalak bû, ji aliyê polîsên Pakistanê ve li gel çar zarokên xwe hate girtin.

12:55

Li bajarê Zencanê yê Îranê di 18’ê Sibatê de li dibistaneke hunerî ya keçan şewat derket. Li gorî daxuyaniya Rêveberê Servîsa Lezgîn a Zencanê; 15 xwendekar ji ber gaza karbonmonoksîtê jehrî bûn rakirin nexweşxaneyan.

11:43

Hevdîtina di navbera Şandeya Îmraliyê ya DEM Partiyê û Serokwezîrê Herêma Kurdistanê Mesrûr Barzanî de bi dawî bû, heyet îro vedigere Tirkiyeyê.

11:22

Berdevka Kampanya Sekinandina Cînayetên Namûsê Rizvan Makaddem got: “Jin bi serhildana ‘Jin, Jiyan, Azadî’ têkildarî mafên xwe bûn xwedî agahî, cesaret da wan û bû sedem ku li hember zextên kevneperest rabin.”

08:30

Têkoşîna Edla Bekir a bi gotina xwe ya; “Em ji mirinê mezintir in” bû deng û dirûşma berxwedana li Bendava Tişrînê. Têkoşîna Edla ya ji 19’ê Tîrmeha 2012’an heta şerê Kobanê berdewam kir, niha jî li Bendava Tişrînê didome.

08:00

Tevgera Azadiya Jinên Êzidî bi daxuyaniyeke nivîskî bertek nîşanî qebûlkirina zagonên ku bi temamî li dijî jin û civakê ne, da û diyar kir ku zagonên hatine erêkirin, zagonên feraseta DAIŞ’ê ne û tên wateya kuştina jin û jiyanê.

07:00

Li Tûnisê aktîvîstên mafên jinan diyar kirin ku jin ji ber nêrînên xwe yên siyasî û têkoşîna xwe ya civakî tên girtin. Aktîvîstan dan zanîn ku cezayên li van jinan hatine birîn niheqî û pêkanîna kêfî ne û destnîşan kirin ku pêwîst e ev biryar bên sererast

05:30

Parlamentera Cezayîrê Ferîda Xemra derbarê projeya 5 mehan dirêjkirina betlaneya zarokanîna karkerên jin got ku dirêjkirina vê betlaneyê, serkeftineke nû ya jinên Cezayîrê ye.

05:00

Fermandara fedayî Avesta Xabûr di temenek ciwan de tevlî refên berxwedanê bû û li dijî tankên ku ji aliyê dagirkeriya Tirkiyê ve êrîşê çeperên şervanan dikirin, çalakiya fedayî lidar xist.

21:02

Hat ragihandin ku di êrîşên paramîlîter ên li ser 2 gundên Eyaleta Nîlê Spî ya li başûrê Sûdanê de jin û zarok jî di nav de zêdeyî 200 sivîl hatin kuştin.

15:15

Konseya Bajar a Florensa ya Îtalyayê hemwelatiya rûmetê da aktîvîsta mafên mirovan Pexşan Ezîzî.

14:57

Piştî hêzên cîhadîst (HTŞ) rêveberiya Sûriye xist destê xwe, rêjeya tundî û qetilkirinê zêde bûye. Li herêmên cuda yên Sûriyeyê her roj jin jî di nav de gelek bûyerên qetilkirin, revandin û îşkenceyê diqewimîn.