rojane

09:56

Çalakvanên mafên jinan ên Başûrê Kurdistanê der barê çalakiyên pêşîlêgirtina tundiya li dijî jinan de gotin ku ji ber her diçe tundî zêdetir dibe çalakiyên ji bo pêşîgirtina tundiyê girîng in.

09:02

Jinên gundewarên Helebê carekî din ji ber êrîşên çeteyên dewleta Tirk, ketin rêya koçberiyê. Ji jinên koçber Qemer Ebd El Xefûr dibêje “Ez dixwazim bi ewle nefesa xwe bistînim û bi ewlehî tevî zarokên xwe rakevim.”

08:34

Li Tûnisê zagonên ku jinan diparêzin nayên pêkanîn Li Tûnisê jin di gelek waran de rastî şîdetê tên. Tevî ku li welat gelek zagonên jinan diparêzin hene jî ji ber ku nayên pêkanîn her diçe şîdet zêdetir dibe.

05:11

Berdevka Kongra Star a Bakur û Rojhilatê Sûriyeyê Rîhan Loqo, bêdengiya cîhanê ya li hember êrişên li ser Heleb, Şêx Meqsûd, Şehba û Eşrefiyê şermezar kir û tekez kir ku dewleta Tirkiyê dixwaze guhertina demografî pêk bîne û gelên herêmê tune bike.

05:05

Jinên Êzidî yên gotin “Azadiya me bi azadiya fîzîkî ya Rêber Apo ve girêdayî ye” diyar kirin ku tecrîda li ser Rêberê Gelê Kurd Abdullah Ocalan ne hiqûqî ye û ji bo azadiya wî ya fîzîkî banga bilindkirina têkoşînê kirin.

20:05

Berdevka Meclîsa Jinê ya DEM’ê Halîde Turkoglu têkildarî êrîşên li ser Bakur û Rojhilatê Sûriyeyê axivî û got: “Pêwîste her kes li ku be dengê xwe bilind bike. Divê her kes li seranserê cîhanê fikra neteweya demokratîk biparêze."

18:06

Piştî daxuyaniya Meclisa Gel a Efrîn û Şehbayê, koma yekem a koçberên ku li Şehbayê hatibûn dorpêçkirin û piştî hewldanan derketibûn rê, gihîştin Kantona Tebqayê.

17:56

Di meha Mijdarê de li Başûrê Kurdistanê 2 jin û 1 zarok ji aliyê mêran ve hatine qetilkirin. Di encama tundiya mêran de 1 zarok û 1 jin jî birîndar bûne.

15:32

Tehliyeya Besra Erol a ku gelek pirsgirêkên wê yên tenduristiyê hene, salek hat paşxistin. Pirsa “Gelo tu poşman î?” hat kirin, Besra Erol got “Na” û der barê wê de biryara taloqkirina berdanê hat dayîn.

14:30

Meclisa jinan a DEM Partî, bal kişand ser êrişên li dijî Rojava, banga têkoşînê kir û di daxuyaniyê de xwest ku bi dirûşmeya ‘Jin, Jiyan Azadî’ piştevanî û têkoşînê mezin bikin.

14:18

Şêniyên bajarê Qamişlo-Bakur û Rojhilatê Sûriyeyê, li dijî êrişên li ser herêmê meşek li darxistin û pêyama bilindkirina têkoşînê dan.

14:10

YPJ’ê der barê êrîşên çeteyên girêdayî dewleta Tirk de daxuyanî da û got: “Di van rojên dîrokî ku êrîşeke berfireh li hemberî herêma me û giştî Sûriye pêk tê de, em ê di eniyên cengê yên pêş de parastina jinan û tevahiya gelê xwe bikin.”

13:59

Hejmarek girtiyên jin ên li girtîgehên Îranê ragihandin ku wê di hefteya 45’emîn a greva birçîbûnê ya kampanyaya Roja Sêşemê ya ‘Na ji Cezayê Darvekirinê re’ de dest bi greva birçîbûnê bikin.

13:53

Piştî daxuyaniya Meclîsa Gel a Efrîn û Şehbayê, koçberên Efrînê yên li kampên Şehbayê dest bi derketina ji herêmê kirin.

13:31

Çalakvanên jin ên Helebceyê behsa bandora ragihandinê ya di zêdebûna tundiyê de kirin û gotin: “Ragihandin bandorê li ser şêwedana civak, malbat û zêdebûna tundiyê dike.”

13:19

Di rapora DFG'ê ya meha Mijdarê ya binpêkirina mafan a li hemberî rojnamevanan de hat diyarkirin ku 21 rojnameger hatine binçavkirin, 3 ji wan jî hatine girtin.

13:16

Meclisa Jinan a Bakur û Rojhilatê Sûriyeyê li dijî êrişên çeteyên girêdayî dewleta Tirk, bang li hemû aliyên Sûriyeyî kir ku ji bo dîtina çareseriyek aştiyane diyalogan bikin.

13:02

Jinên bajarê Til Temirê, der barê êrîşên li ser bajarê Heleb û Şehbayê axivîn û piştgiriya xwe bi berxwedana jinên Efrînê û Helebê re nîşan dan. Jinan banga xwedîderketina jinan a li vê berxwedana dîrokî kir.

12:44

Meclisa Gelê Efrîn û Şehbayê biryar da ku herêma ji aliyê çeteyan ve hatiye dorpêçkirin, vala bike. Meclisê diyar kir ku "Derketina me ya ji Şehbayê nayê wateya ku me dest ji berxwedanê berdaye, têkoşîn dê bi awayekî xurttir bidome.”

11:53

Aktivîst Roşenek Molaeî Alîşah ji ber li gor pîvanên hîcaba bi zorê tevnegeriya, di 28’ê Mijdarê de li girtîgeha ku lê girtiye, bi şertê cezayê qamçiyê hate berdan.