rojane

11:25

Jinên rojnamevan ên Helebceyê hewldana ji bo parastina ji êrîşên zayendî, gef û zextan girîng dibînin û dibêjin: “Divê zagonên ku jinên rojnamevan biparêzin hebin da ku bikaribin di erk û mafan de wekhev bin.”

10:54

Hejmara dawî ya Kovara Jin, bi berga “Jin tên kuştin edaleta mêr bêdeng e” derket pêşberî xwendevanên xwe.

09:41

Aktîvîstên jin ên li Sineyê, bi salan ji bo piştgirîdayîna mexdûran hewl dane lê îro bi xwe di hedefa êrîş û tundiyê de ne. Tevî hebûna gefan jî aktîvîstên jin têkoşîna azadiyê ya jinan didomînin.

09:03

Li Tûnisê zewaca di temenê biçûk de xewnên zarokên keç tune dike. Ew ji xwendin, derfetên kar û serxwebûnê bêpar dimînin û ji ber rastiyên dijwar ên aborî û zextên malbatê neçar dimînin bizewicin.

08:43

Merasîma îmhakirina çekan a Koma Aştî û Civaka Demokratîk, li cîhanê deng veda. Jinên siyasetmedar ên şahidî ji merasîmê re kirin, diyar kirin ku pêvajoya heyî, nîşaneya têkoşîn û vîna gelê Kurd e.

08:30

Rêvebera Meclîsa Jinên Sûriyeyê Meryem El-Heyanî diyar kir ku meclîs bi riya pêngavên hişyarkirinê, komxebatan û însiyatîfên ku armanc dikin jinan di hemû waran de bihêz bikin û edaleta civakî pêk bînin, xebatan dikin.

08:21

Rewşenbîrên jin û parêzerên ji bajarê Qamişloyê, diyar kirin ku xwedî derketina li pêvajoya Aşitî û Civaka Demokratîk erka herkesî ye û bi taybetî divê ji aliyê dewleta Tirk ve gav û helwestên zelal derkeve holê û bipêş bikevin.

22:04

Li gundê El-Arsum ya herêma El-Habil El-Heşme ya navçeya Taizê, bombeyekî şer teqiya û 5 zarok jiyana xwe ji dest dan. Temenê zarokan di navbera 12 û 15 salî de bû.

20:48

Di êrîşên Îsraîlê yên li dijî Xezayê de di nava 24 saetên dawî de 59 kes jiyana xwe ji dest dane û hejmar bi vî awayî derket 57 hezar û 882’an.

20:46

Navenda Rojnamevanên Efganî, ragihand ku Talîbanê di 6 mehên ewil ên sala 2025’an de zextên li dijî rojnamevanên jin û xebatkarên çapemeniyê di astekî girîng de zêde kir.

17:55

Dayîkên aştiyê yên ku beşdarî merasîma duh a dîrokî ya çek şewitandina PKK’ê bûne gotin: “Em aştî û bi hevre jiyana gelan dixwazin. Ji bo mafê xwe çek hat hilgirtin û ji bo aştiyek mayînde û azadiyê niha çek tên tune kirin.”

17:32

Pervîn Buldan got, “Pêvajo çiqas dirêj be dê sedemên provokasyon û înîsiyatîfên din derdikevin holê. Divê bi lez gav bên avêtin da ku pêvajo di demek nêzîk de bi ser bikeve."

16:00

Rêxistina Sara qetilkirina jina bi navê Rewa Yasir Ebûd bi daxuyaniyek şermezar kir û xwest ku kujer bê darizandin.

15:04

ÎHD û Xizmên Windayan, di çalakiya xwe ya vê hefteyê de bal kişandin ser merasîma PKK’ê ya duh ya şewitandina çekan û gotin: “Ev gava niyeta baş li pêş çavê hemû dinyayê hate avêtin. Em dibin şahid ku dewlet divê mijarê de tu gav neavêtine.”

14:55

Çîgdem Kiliçgun Uçar a li Şikefta Casenê bû şahida merasîma şewitandina çekan a Koma Civaka Demokratîk, got: “Me xwest em bi heyeta ji 30 kesan pêk dihat re ji bo tevlî siyaseta demokratîk bibin vegerin, lê bingeha hiqûqî tuneye.”

14:39

Dayîkên Şemiyê ku pirsa aqûbeta windahiyên xwe dikin, di hefteya 1059’an hatin ba hev û gotin: “Em dixwazin ku rewşa sekinandina şer mayînde be û hêviya aştiyê xurt bibe. Em dizanin ku Tirkiyeyek bi tevahî demokratîk mimkun e."

13:36

Serokkomarê AKP'î Tayyîp Erdogan, diyar kir ku dê li Meclîsê komîsyon bê avakirin û got: “Em ê pêdiviyên qanûnî yên pêvajoyê di bin banê Meclîsê de nîqaş bikin.”

13:31

Têkoşîn Ozan diyar kir ku merasîma hatî lidarxistin, îradeya têkarîkirina demokratîkbûyîna Tirkiyeyê ye û got: “Merasîma me li dar xist niyetbaşiyeke têkildarî demokratîkbûyînê ye. Divê nêzîkatiyên têkildarî çareseriyê hebin.”

13:24

Berdevka Partiya Sûriyeya Pêşerojê Nehêd Nehas derbarê beşdariya jinan a li edaletê de got ku "Jin cewhera civakeke hevgirtî û hêmana bi bandor in. Lewma bêyî jinan edaleta rastîn li Sûriyeyê ne pêkan e."

12:54

Li Yemenê keçek 12 salî di nav bêdengî û hevkariya eşkere de hat zewicandin, bû sedema hêrsa rêxistinên jinan û saziyên mafên mirovan.