rojane

20:23

Hevseroka MSD'ê Leyla Qereman, da zanîn diyaloga navxweyî ya Sûriyeyê bingeha ji nû ve avakirina Sûriyeyê ye û banga xurtkirina aramiya civakî û avakirina pirên baweriyê di nav hemû pêkhateyên Sûriyeyê de kir.

20:21

Kombûna Jinan a Zenûbya piştgiriya jin û zarokên Suweydayê kir û bang li hemû aliyan kir ku tundiyê rawestînin û berê xwe bidin diyalogê û rêbazên aştiyane. Kombûnê, ji bo parastina civakê û avakirina siberojê banga yekgirtinê kir.

18:17

Bijîşk Faten Hîlal ya ji bo alîkariya mirovî diçû nexweşxaneyê, di encama pevçûnên li bajarê Suweydayê ya Sûriyeyê de, jiyana xwe ji dest da.

15:40

Di hefteya 77’an a kampanyaya ‘Sêşema na ji darvekirinê re’ bi beşdariya girtiyên li girtîgeha Yezdê, mezin dibe. Girtiyan li hemberî înfaz, bêhiqûqî û zextên li dijî malbatan banga piştevaniyê kirin.

14:50

Wezareta Karê Hindir a rêveberiya demkî ya Sûriyeyê, ragihand ku hêza leşkerî ya girêdayî wan ketine Suweyda, li bajar qedexeya derketinê ragihandine.

14:26

Jinên ji bajarê Suweyda yê Sûriyeyê bang li gel kirin ku bajar, ax û rûmeta xwe biparêzin, bi taybetî jin derkevin kolanan û li dijî tiştên tên jiyîn berpirsyariyên xwe bi cih bînin.

14:05

Rojnamevan Bêrîvan Şaho diyar kir ku di şerê Îsraîl û Îranê de 40 jin bûne hedefa êrîşan û 18 jinên 18 salî bi hincetên cuda hatine girtin. Bêrîvan Şaho got: “Di şerê Îsraîl û Îranê de zêdetir jinan zirar dît.”

13:35

Hunermend Afrooz Kian Arasî ku ji ber xebata wê ya ‘Jin, Jiyan, Azadî’ bi temaya mozaîk 1 sal cezayê girtîgehê lê hate birîn, li girtîgeha Doletaban ya li Esfehanê ev du mehe bi awayek ne hiqûqî tê girtin.

12:37

Li Sûdanê Hêzên Piştgiriya Lezgîn (HPL) êrîşî gundê Um Garfa yê li eyaleta Bakurê Kordofan ê li navenda Sûdanê kir. Di êrîşê de 48 kes hatin qetilkirin.

10:57

Platforma Diyaloga Jinan a Neteweyî ya Sûriyeyê fikarên xwe ser zêdebûna pevçûnên li bajarê suwedaya Sûriyeyê anî ziman û got: "Ev yek aştiya sivîl tehdît dike û rê li ber şer, cudekarî û dûrxistinê vedike."

09:44

Bi hemleyeke dîrokî ya di pêşengiya jinan de, 30 şervanên PKK’ê ji bo destpêkirina aştiyê li Şikefta Casenê ya li Başûrê Kurdistanê çekên xwe şewitandin. Jinên Rojhilatê Kurdistanê der barê vê roja dîrokî de nêrînên xwe anîn ziman.

09:06

Rojnamevan û çalakvana civakî Cansêt Tam diyar kir ku dûrxistina jinan ji rewşa hilbijartin û siyasî, pirsgirêkên girîng li ser cidiyeta guhertinên di Sûriyeya nû de derdixe holê.

09:00

Endama TJA’yê Gulcîhan Şîmşek a balkişand ser girîngiya vîdeoya Abdullah Ocalan a piştî 26 salan hate weşandin û peyamên wî, wiha got: “Dîmen mafdariya têkoşîna sedsala dawî anî holê. Banga Birêz Ocalan me vedixwîne berpirsyariyê.”

08:45

Aktivîstên mafên jinan ên Iraqê, diyar kirin ku têkoşîna netewî ya li dijî tundiya li hember zarokên keç û jinan berpirsyariyek civakî ye û balkişandin ser bandora jinan di têkoşîna guherîna Zagona Rewşa Kesane de.

08:36

Bi biryarnameya Meclîsa Gelan a Demokratîk a Rêveberiya Xweseriya Demokratîk a Bakur û Rojhilatê Sûriyeyê komîn li gor Hevpeymana Civakî ji nû de tên birêxistinkirin.

08:17

Jinên Wargeha Mexmûrê diyar kirin ku piştî 26 salan bi dîtina dîmenên Rêberê xwe pir hêstewar bûne û têkildarî merasîma çek şewitandinê ya gerîlayan jî gotin ku divê êdî dewleta Tirk gavên şênber bavêje.

23:50

Li bajarê Suweydayê yê Sûriyeyê, pevçûnên di navbera şervanên herêmî û komên girêdayî rêveberiya demkî de zêde dibin. Li gorî daxuyaniyê Nexweşxaneya Dewletê ya Suweydayê, 64 kes ku jinek û du zarok jî di nav de ne, mirine.

20:30

UNFPA’yê, destnîşan kir ku jinên Efganî yên ji Îran û Pakîstanê hatine dersînorkirin ji piştgiriya tenduristî û derûnî bêpar in û banga alîkariya lezgîn a navneteweyî kir.

18:27

Di êrişên Îsraîlê yên li dijî Xezayê de herî kêm 22 Filistîniyên din jiyana xwe ji dest dan. Wezîrên karên derve yên Îsraîl û Filistînê dê di civîna Ewropayê ya li Brûkselê de, bê ku bi awayekî rasterast hevdu bibînin, beşdar bibin.

15:21

Bi armanca nirxandina zehmetiyên ku di pêkanîna Zagona Rewşa Kesane de tê jiyîn, teyîsîna valetiyan a di aliyê pêkanîna wekhevî û edaletê de, li Bexda ji aliyê Tora Jinên Iraqê ve rûniştinek hate li darxistin.