Navenda Nûçeyan – Wezîrê Geştiyariyê û Şûnwaran ê Filistînê, ragihand ku bajarê kevnar ê Sebastîa, ku li bakurê Şerîaya Rojava ya dagirkirî ye, li ser Lîsteya Mîrata Cîhanê ya UNESCO’yê hatiye tomar kirin. Ev bajar, ku yek ji girîngtirîn deverên arkeolojîk ên Filistînê tê hesibandin, di heman demê de li ser Lîsteya Mîrata Cîhanê ya di Xetereyê de diyar bûye.

Bi daxuyaniyê de wezîr rave kir ku ev biryar di dema rûniştina 48’emîn a Komîteya Mîrata Cîhanê ya UNESCO’yê de, ku di navbera 19 û 29’ê Tîrmehê de li Busan, Koreya Başûr pêk hat, hatiye dayîn. Destnîşan kir ku ev biryar qatên arkeolojîk ên bajêr û berdewamiya wê ya dîrokî yên curbecur ronî dike, ku pêşveçûna wê wekî navendek bajarî, siyasî û olî ji bo zêdetirî du hezar salan nîşan dide.

Wezîr her wiha diyar kir ku komîteyê biryar da ku Sebastîa li ser Lîsteya Mîrata Cîhanê ya di Xetereyê de ye were bicih kirin. Ji ber gefên ku ji hêla dagirkeriya Îsraîlê ve têne çêkirin, di nav de planên desteserkirina erdê, guhertinên li ser tevna dîrokî û arkeolojîk a cih û sînorkirinên ku li ser hewldanên parastin, rêvebirin û restorasyonê hatine ferz kirin, bicih bike.

Wezareta Geştiyariyê û Şûnwaran ê Filistînê biryar wekî “destkeftiyek neteweyî ya nû ku mîrata dîrokî û çandî ya Filistînê nîşan dide” bi nav kir.

Berteka Îsraîlê

Îsraîlê li hember biryarê bertekek neyînî nîşan da. Wezîrê Derve yê Îsraîlê Cedion Sair îdia kir ku biryara UNESCO’yê ji aliyê siyasî ve hatiye dayîn.

Dîrokek sê hezar sal

Bajarê kevnar ê Sebastîa, ku dîroka wê vedigere nêzî sê hezar sal, di serdema Romayê de ji hêla Hêrodîs ve ji nû ve hatiye avakirin û berfireh kirin û bi navê Împeratorê Romayê Augustus hatiye binavkirin.

Bajar perestgehek, stadyûmek, kolanek bi stûnên ku bi sedan stûn tê de hene her wiha gelek avahiyên Roman û bermahiyên ji serdemên Helenîstîk û Bîzansî vedihewîne.