Navenda Nûçeyan – Li gorî rapora rojane ya ku îro ya ji hêla Wezareta Tenduristiyê ya Libnanê ve hatiye weşandin, 10 kes mirine û 90 kes jî birîndar bûne. Bi vî awayî, hejmara giştî ya miriyên ji êrîşên Îsraîlê gihîştiye 1039’an û hejmara birîndaran jî 2876 e.

Li gor raporê di nav kesên ku hatine kuştin de 118 zarok û 79 jin hene, di nav birîndaran de jî 380 zarok û 431 jin hene.

Tevî peymana agirbestê ya ku ji Mijdara 2024’an vir ve di meriyetê de ye, hêzên Îsraîlê li taxên başûrê Beyrûtê û deverên li başûr û rojhilatê welêt êrîşên hewayî pêk anîne. Ev yek, digel bombebaranên berdewam ên bi Hizbullahê re, bûye sedema wêrankirina binesaziyê û kûrtirbûna krîzeke mirovî.