Navenda Nûçeyan – Di destpêka sala nû ya akademîk de, li Zanîngeha Teknolojiyê ya Xwaja Nasir El-Dîn Tûsî, qedexeya ketina zanîngehê li ser hejmarek xwendekaran hate sepandin. Li gorî çavkaniyên xwendekaran, ev kiryar bêyî ku ji bo hin ji wan ti tedbîreke dîsîplînî an agahdarî were dayîn, pêk hatiye.

Li gorî nûçeyên medyaya xwendekaran, hin xwendekaran dema ku serdana zanîngehê kirine, dîtine ku ji bo wan ketina kampusê hatiye qedexekirin. Çavkaniyên xwendekaran diyar kirin ku gelek ji van kesan ti tedbîrên dîsîplînî an agahdarî nestandine. Ev rewş di demekê de derdikeve pêş ku beriya destpêkirina sala akademîk jî dozên dîsîplînî yên li dijî xwendekaran li vê zanîngehê hebûn.

Li gorî raporên hatine weşandin, di Hezîrana 2026’an de li Zanîngeha Nasir li dijî 22 xwendekaran lêpirsînên dîsîplînî hatine destpêkirin. Wekî din, di Tîrmehê de, tevî îtîrazê jî qedexeya demkî ya du demsalên xwendinê ji bo sê xwendekarên bi nave Elîreza Caferî-Ethkar, Seyyed Mihemed Seyyed Aboudî û Huseyîn Mihemedî hate pejirandin.

Heta dema weşandina vê nûçeyê, Zanîngeha Teknolojiyê ya Xwaja Nasir El-Dîn Tûsî derbarê hejmara xwendekarên ku ketina wan ya kampûsê hatiye qedexekirin, sedemên van biryaran û rewşa dozên dîsîplînê de daxuyaniyeke teqez nedaye.