Lubnan – Yekitiya Nîştimanî ya Sendîqeyên Kedkaran bi hevkariya Komeleya Wekheviyê-Werda Buturs a Jinan, komxebateke mafnasiyê li dar xist. Komxebat, bi sernavê "Tundî û cudakariya li dijî Jinan û zehmetiyên guhertinê" li Navenda Foruma Hefteyan a li bajarê Seyda  yê Lubnanê pêk hat.  Şandeyeke Kongra Star û Komeleya Newroz a Çandî û Civakî  jî tev li komxebatê bûn.

Di rûniştina ji bo qanûnên malbatê hatibû veqetandin de nûnera Têkiliyan a Kongra Star Henan Osman, tecrûbeya jinên li Rojavayê Kurdistanê di çarçoveya Rêveberiya Xweser a Bakur û Rojhilatê Sûriyeyê de nirxand.

‘Jinan li Bakur û Rojhilatê Sûriyeyê modelek qanûnî û îdarî pêşkêş kirin’

Henan Osman, destnîşan kir ku jinan li Bakur û Rojhilatê Sûriyeyê modelek qanûnî û îdarî pêşkêş kirin ku li ser bingeha hemwelatîbûnê ye ne li ser bingeha kotayên mezhebî ye. Her wiha bal kişand ser pergala hevserokatiyê ku beşdariya jinan di biryardana siyasî, îdarî û civakî de bi awayekî rastîn xurt kiriye.

Beşdaran bal kişand ser girîngiya yekkirina qanûnên malbatê, pêşvebirina hevkariya zayendî di avahiya rêveberiyê de, pêşîgirtina her kiryarên ku rê didin cudakariya qanûnî û civakî li dijî jinan. Komxebat bi gotûbêjên vekirî bi dawî bû.