Navenda Nûçeyan – Aktîvîsta mafên kedkaran û endama Komîteya Koordinasyona Alîkarî ya Çêkirina Rêxistinên Kedkar Reyhaneh Ansarî Nejad a du salan li Girtîgeha Qerçexê ya li Varamînê hate ragirtin, bi qebûlkirina ji nû ve darizandinê û bi biryara yekdengî cezaya wê hate daxistin û ji girtiyê derket.

Aktîvîsta mafên kedkaran Reyhaneh Ansarî Nejad ya ji girtîgehê derket, pankartekî ku piştgiriyê Pexşan Ezîzî, Werîşe Moradî û Şerîfe Mihemedî hilgirt diyar kir piştgiriyê dide girtiyên jin û banga rawestandina cezayên darvekirinê kir. Reyhaneh Ansarî Nejad, her wiha piştgirî da gelê Xezayê jî.

Reyhaneh Ansarî Nejad, di meha Gulana 2022’an de li mala wêjevan û çalakvanê mafên mamosteyan Mihemed Hebîbî hate binçavkirin û li girtîgeha Evînê hate ragirtin û piştre bi kefaleta 1 mîlyar tumen hate berdan. Di sala 2023’an de jî bi sûcdariya “li dijî ewlehiya dewletê sûc kirin” mehkûmê 4 sal cezayê girtîgehê hate kirin. Di dema ragirtina xwe de, ji dermankirinê bêpar hate hiştin û rewşa wê ya tenduristî xirabtir bû.