ŞIYA KOYÎ

Koye – Yekbûna 6 hêzên siyasî yên Kurd li Rojhilatê Kurdistanê, ango Partiya Jiyana Azad a Kurdistanê (PJAK), Partiya Azadiya Kurdistanê (PAK), Partiya Demokrat a Kurdistana Îranê (PDKÎ), Rêxistina Têkoşîna Kurdistana Îranê û Komela Karkerên Kurdistanê û Komela Kedkarên Şoreşgerên Kurdistanê-Îran, bûn yek. Bidestxistina yekîtiya siyasî û bernameyeke hevpar a xebata hevbeş di pêşeroja Îranê de, dê bibe sedem ku partîyên li Rojhilat di pêşerojê de li ser mijarên neteweyî xwedî helwest û vîzyoneke hevpar bin.

Rojnamevan Şîno Mehrperwer, mijar û girîngiya yekbûna 6 partiyên Kurd li Rojhilatê Kurdistanê û avakirina hevpeymaniyekê nirxand.

‘Li Rojhilat, têkoşîn ne tenê siyasî ye’

Şîno Mehrperwer diyar kir ku nemaze niha û di vê dema hesas de yekbûna 6 partiyên Kurd li Rojhilat bandorek girîng dike û wiha domand: “Yekîtî ne tenê vebijarkek e, pêdiviyek neteweyî ye. Li rojhilat, têkoşîn ne tenê siyasî ye. Ji bo Kurdan, têkoşîn tê wateya rûmet û mafê jiyanek serbilind. Yekîtiyê, dijmin paşve kişandiye.

‘Dirûşma jin, jiyan, azadî cîhanê hejand’

Şîno Mehrperwer, derbarê şoreşa jinan de destnîşan kir ku Jîna Amînî destpêka şoreşa jinan, jiyan û azadiyê bûye û wiha pê de çû: “Li ser gora Jîna, ji bo Xamaneyî dirûşmeya mirinê hate gotin. Dirûşma jin, jiyan û azadî, çavkaniya Kurdistanê bû. Dema ku jineke Kurd a ji Seqizê bi niheqî hate şehîdkirin, van dirûşmeyan tevahiya cîhanê û dijmin hejand. Jin bûn dînamoya vê şoreşê.”

‘Ew di tevahiya damezrandina komarê de dijminê Kurdan û jinan bû’

Şîno Mehrperwer kuştina Elî Xamaneyî wek nûçeyek baş a ji bo Kurdan nirxand û wiha berdewam kir: “Ji ber ku ew dijminê sereke yê Kurdan bû û her gav wan wekî asteng dihesiband. Xamaneyî ne tenê di hundirê Îranê de, di heman demê de li Herêma Kurdistanê jî ji Kurdan nefret dikir. Bi hezaran plan hatine çêkirin da ku destkeftiyên Kurdan, nemaze li dijî jinan, ji holê rakin. Jin her gav li Rojhilat rêber bûne. Jinan her gav têkoşîna xwe ya zayendî û çînî li pêş têkoşîna xwe danîne. Ji ber vê yekê, bi raya min, heya ku em têkoşîna xwe ya neteweyî bi dest nexin, em ê têkoşîna xwe ya zayendî û wekheviyê biser nexin.”

‘Bavê Riza Şah di dema serweriya Riza Şah de hatiye darvekirin’

Şîno Mehrperwer ragihand ku ji ber vê yekê, divê jin di gihandina civaka Kurdî bo qonaxek nû de roleke sereke bilîzin û wiha bidawî kir: “Her wiha divê berpirsyariyê bigirin ser xwe û bi hev re li dijî tundiyê bixebitin. Divê ferdên Kurd aşkera bin. Ji ber ku ev serdemeke veguhêz e, bavê Riza Şah di dema serweriya Riza Şah de hatiye darvekirin.”