Navenda Nûçeyan – Şerê di navbera Îsraîl-DYE û Îranê de, di roja 29’an de didome. Di şer de dest bi hedefgirtina reaktorên nuklewî û başdarkirina aktorên nû yên şer hate kirin.

Ji Îranê hişyarî: Em destûr nadin keştiyan

Muhafizên Şoreşa Îranê, diyar kirin ku li Tengava Hurmuzê derbasbûna sê keştiyên konteyner asteng kirine, vegerê li wan ferz kirine û êdî destûr nadin keştiyên ku diçin peravên girêdayî hevkarên Îsraîl-DYE û yên ji wir tên. Di daxuyaniyek din a hatî dayîn de jî, îşaret bi wê yekê hate kirin ku divê xebatkarên şirketên girêdayî Îsraîl-DYE’yê, cihên kar biterikînin.

Tesîsên nuklerî yên Îranê hatin hedefgirtin

Saziya Enerjiya Atoma Îranê, ragihand ku Kompleksa avê ya giran a Shahid Khondab ya li Arak û tesîsên hilberandina uranyum a konsantre ya Ardakan ya eyaleta Yezdê kirine hedef. Di daxuyaniyê de hate diyarkirin ku êrîş bi hejandina madeya radyoaktîf bi encam nebûye. Artêşa Îsraîl di daxuyaniya de piştrastkirina hedefgirtina reaktorên nukleer ya avê ya giran a li Arakê ku di beşa navend a Îranê de cih digre ya roja Înê dayî de wiha got: “Tesîsa mijara xeberê, hate gotin ku ‘kilîta hilberandina plutonyum ya ji bo çekên nukleer ‘. Artêşa Îsraîl, ragihand ku êrîşî tesîsa karanîna uranyum a li eyaleta Yezdê kirine. Di daxuyaniyê de hate diyarkirin ku tesîsa ku hatiye hedefgirtin, di pêvajoya dewlemendkirina uranyomê de, navendek a krîtîk a hilberandina meteryalên pêwîst e.

Fermandariya Navendî ya DYE’yê (CENTCOM), ragihand ku di pêvajoya şerê Îranê ya di 28’ê Sibatê de destpêkirî de 303 leşker birîndar bûne, 13 leşker mirine.

Sefîrê NY yê Îranê li Cenevrê, diyar kir ku wan daxwaza destûrdayîna derbasbûna sewqiyatên çandinî û alîkariyên mirovî ji bo Tahranê ji NY werin qebûl kirine û got: “Ev tedbîr biryardariya di mijara pêkanîna gihandina pêwîstiyên alîkariya bingehîn û destekdayîna alîkariya mirovî ya Îranê diteyîsîne.”

Ji Husiyan daxuyanî: Em li gel Îranê ne

Tevgera Hûsî ya li Yemenê, ragihand ku ew li gel Îranê ne û dê li dijî Îsraîl û DYE’yê şer bikin. 

Ajansa Nûçeyan a Aktivîstên Mafê Mirovan (HRANA) ragihand ku di 24’ saetên dawî yên şerê Îsraîl-DYE û Îranê de, li bajarên Îran û Rojhilatê Kurdistanê di 531 êrîşan de 35 sivîlan jiyana xwe ji dest dane û 60 kes jî birîndar bûne. Di berdewama daxuyaniya HRANA’yê de hate diyarkirin ku di 29 rojên şer de 228 jê zarok, hezar û 528 kes mirine.