Navenda Nûçeyan- Li Xezayê di dora destpêkê ya peyman-agirbesta navbera Îsraîl û Hamasê de, cara duyem dîlgirtî tên berdan.

Hamasê 4 leşkerên jin ên Îsraîlî, radestî Xaça Sor kir. Konvoya Xaça Sor piştî wergirtina dîlgirtiyan, ji Qada Filistînê derket.

Hêzên Parastinê yên Îsraîlê (IDF) got: “4 leşkerên vegeriyane, Daniela Gilboa, Liri Elbag, Naama Levy û Karina Ariev bi hêzên IDF û Shin Bet re sînor derbas kirin û ketin xaka Îsraîlê.

Tê payîn ku îro Îsraîl 200 girtiyên filistînî ji girtîgehên xwe berde. Hamasê lîsteyek weşand ku navên van 200 filistîniyan têde cih digirin.