Navenda Nûçeyan – Li gorî çavkaniyên nûçeyan, 15 kesên di xwepêşandanên li Tehranê de hatine binçavkirin, sewqî yekîneyên cuda yên Girtîgeha Evînê hatine kirin. Rapor, lîsteya pêşîn û dema veguhestinan vedihewîne, lêbelê hêj hinek hûrgulî bi awayekî serbixwe nehatine piştrastkirin.

Rêxistinên mafên mirovan ên li derveyî Îranê, ragihandin ku di nava kesên ku hatine sewqkirin de herî kêm 6 jin ji bo qawîşa jinan hatine şandin. Saziyên sivîl û mafên mirovan, diyar kirin ku  der barê cihê kesên ku hatine girtin, sûcdariyên li dijî wan û gihîştina parêzeran de şefafî nîne. Raporan, nîşan didin hinek berê li navendên herêmî an îstîxbaratê hatine girtin û piştre sewqî Girtîgeha Evînê hatine kirin û ev yek jî xetereyên muameleya xirab û windabûna bi zorê dihewîne.

Asta xwepêşandanên giştî û pêla binçavkirinan, daxwazên saziyên navneteweyî û civaka sivîl yên ji bo zelalkirina rewşa kesên hatine binçavkirin û misogerkirina mafên wan ên bingehîn, zêde kir. Rêxistinên mafên mirovan, bang li rayedaran kirin ku lîsteya binçavkirinan, cihên girtinê û sûcdariyên fermî eşkere bikin û xwegihandina parêzer û malbatê mîsoger bikin.

Her wiha kampanyaya ‘Şêşema na ji darvekirinan re’ 101 hefteyê bênavber didome û li dijî polîtîkayên zextê bû sembola berxwedana sivîlan.

Girtîgehên Îranê, ne tenê cihên girtina xwepêşanderan ne, veguherî navendên berxwedan û daxwazên mafan lê didome. Her wiha rûxmê sansûr û zextê jî, deng digihîje derve û di civak û medyaya dijîtal de deng vedide.