dosya

07:56

Endama Akademiya Jineolojî û Avakera gundê Jinê Jinwarê Nûjîn Derya avabûn û rêxistinbûna jinan li gundê Jinwarê wiha anî ziman: "Dema mirov dibêje Jinwar, jiyana hevpar û hevjiyana azad a civakê tê bala mirovan."

07:46

Mamoste û Berdevka Jineolojiyê Dîcle Kulîlk diyar kir ku wan di sala 2017'an de li zanîngeha Rojava beşa Jineolojiyê ava kirine û diyar dike ku şoreşa Rojava şoreşa jinê ye û şoreşa duyem jî birêxistinkirina fakulteya Jineolojiyê ya li Rojava ye.

07:52

Bi Jineolojiyê re jinan zanista xwe keşif kirin û bi hewldanek mezin dest bi, lêkolînkirina dîroka jinan kirin.

08:33

“Zewaca bi hêwîtî bêyî vîna jinan bi pêş dikeve” Parêzer û parêzvanên mafên mirovan ên ku em bi wan re li ser mijara hêwîtiyê ya di pêvajoya dawî de li Rihayê zêde bûye û bûye sedema qetilkirina 2 kesan bi awayekî hovane axivîn, diyar kirin ku ev rewş jinan rastî binpêkirinên giran ên mafên tîne. Endama Komîsyona Penaberan a Baroya Rihayê Parêzer Canan Bêrîtan Gokkan, diyar kir ku zewacên bi hêwîtî bêyî vîna jinan, ji bo pirsgirêkên aborî tên kirin.

09:09

"Divê tedbîrên pêşîlêgirtinê bên girtin" Jinên ku piştî şerê navxweyî yê Sûriyeyê jî cihên xwe koçber bûne, li bajarên ku hatin bi gelek pirsgirêkên weki xizanî, hêwîtî û tundiya mêran re rû bi rû dimînin. Bi taybetî li Rihaya ku yek ji wan cihên ku pirsgirêka hêwîtî (hevjîna duyemîn) lê rû dide, di nava 4 mehên dawî de zaroka bi navê Amara Dawl (13) û jina bi navê Selva El Hinedî (25) ji ber ku hêwîtî qebûl nekirin hatin qetilkirin. Civaknas Rûken Erguneş a ku bal kişand ser zehmetiyên jinên penaber, diyar kir ku divê li hemberî hêwîtî û zewaca di temenê biçûk de tedbîr bên girtin.

08:29

Her jin xwedî serpêhatiyên dirêj e ku bi vegotina çîrokên wan dîroka gelekî jî pênase dike. Bi taybet serpêhatiya jinên ku rastiya şer û dagirkeriya li ser tê ferzkirin bi kûrahî jiyane, bûne hest û ramanên afirandina kêliyên hêviyê. Lewra jinên ku rastiya şer û berxwedana Kobanê jiyane di heman demê de dîroka ser ketina hêviyên azadiyê jî jiyane.

08:28

Hêviyên ku li Kobanê bi ser ket ji bo hêzên faşîst û dijî mirovhahiyê bû çavkaniya metirsiyê ya hilweşîna pergala baviksalariyê. Lewra piştî serkeftina şoreşa jinê ya li Rojavayê Kurdistanê pêş ket şûnde dewleta Tirk a faşîst dest bi êrişkirina qadên berxwedanê kir, her wiha gefan li şoreşê dixwe.

08:39

Şoreşa ku di 19’ê Tirmehê de li bajarê berxwedanê Kobanê destpê kir, li tevahî Rojavayê Kurdistanê şewq da. Bi şoreşê re jinan pergala xwe di hemû qadan de pêk anîn.

10:54

Dîroka gelê kurd bi pêşengtiya jinên kurd xwe dispêre gelek berxwedanî û têkoşînên mezin, bi van berxwedaniyan re veguheriye pêtên agirê serhildanê û ber bi avakirina şoreşa jinê ve herikiye. Yek ji qadên ku bû pêtê agirê serhildanê û şoreşa jinê lê zindî bû Kobanê ya berxwedêr e.

08:06

Berxwedan zimanê hebûn û gerdûnê ye. Çawa ku her zindî bi berxwedaniyê hebûna xwe mayînde dikin, civak jî bi berxwedaniya xwe ya li hemberî polîtîqayên tûnekirinê yên faşîzmê, hebûna xwe mayînde dikin. Efrîn jî bi berxwedaniya xwe ya dîrokî, xwedî li erkên xwe yên parastina hebûna xwe derket.

07:56

Berdevka Komîteya Ekolojiyê ya Kongreya Star Rihan Temo kar û xebatên ekolojîk nirxand û got: "Ekolojî lingek esasî yê neteweya demokratîk e ku para her kesê tê de heye."

08:45

Rihê şerê gelê şoreşgerî bingeha berxwedana bêhempa ye. Lewre li dijî êrîşên dagirkeriya dewleta tirk a fasîşt a li ser herêma Efrînê, ji 7 heya 70’ê salî li ser bingeha erk û rihê şerê gelê şoreşgerî di nav berxwedanê de cihê xwe digirtin.

07:52

Rêvebera Hîlala Zêrîn Rûken Mihemed der barê kar û xebatên Hîlala Zêrîn de got: "Çand lingek esasî ya neteweya demokratîk e ku di nav de wekheviya gelan esas digre."

09:09

Nûçegihana jin tv Ferîde Zede behsa rola ragihandinê di berxwedana Efrînê de kir û wiha got: "Bi kamerayên xwe me kêlî bi kêlî berxwedana Efrînê dişopand. Ji bo derxistina rastiyê gelek hevalên me şehîd bûn. Me hewl dida em dîmenên bi bandor bikşînin da ku her kes hovîtiya Tirkiyeyê bibîne û sînorek jê re were dayîn."

08:09

Rêvebera Aboriya Jinan a Kongreya Star Armanc Mihemed der barê kar û xebatên Aboriya Jinan de wiha got: "Armanca me ji projeyan ew e ku em rêxistinbûn û aboriya jinan bi dest û keda wan ava bikin."

08:43

Êrîşên li ser Efrînê ne tenê êrîşeke li ser bajarê Rojavayê Kurdistanê bû, êrîşek li ser paradîgmaya neteweya demokratîk a xwe dispêre xeta azadiya jinan û nirxên civaka exlaqî û polîtîk bû.

08:01

Endama Meclisa Jin a Edaleta Civakî ya Herêma Cizîrê Welae El- Elî der barê kar û xebatên Edaleta jinê de da zanîn ku jin adil in û got: "Cudahiya Edaleta Jin, ji Meclisa Edaleta Civakî ya giştî ew e ku serxwebûna xwe diparêze û bi taybetî ji bo jinan kar dike."

09:05

Li bajarê jinan ê bi xemil û xêz Efrînê pêvajoyên Şoreşê Şoreşa Rojava ya li Kobanê dest pê kir, mîna agirê azadiyê di demên pir kin de belavî Rojavayê Kurdistanê û tevahî Kurdistanê bû. Şoreşa Rojava ya bi pêşengiya jinên Kurd dest pê kir û veguherî Şoreşa Jinê, ji tevahî gelê Kurd, jinên cîhanê û ji tevahî mirovahiyê re bû çavkaniya hêviyê.

08:00

"HPC-JIN parastina maf, hebûn û rastiya jinê dike" Rêvebera Hêzên Parastina Cewherî ya Jinê Hediye Abdullah kar û xebatên Hêzên Parastina Cewherî nirxand û got: “Beriya bi hezaran salan di destpêka mirovahiyê de jinan civak, zarok û axa xwe diparastin. Îro jî HPC-JIN erka wan jinan digrin ser milên xwe, civak û axa xwe diparêzin."

08:36

Dîroka dûr û nêz a Kurdistanê şahidiya gelek berxwedaniyên bedew û bêhempa ya li dijî dagirkerî û faşîzma ku li ser hatiye ferzkirin kiriye. Ji dîroka nêz, ji Dimdimê heya Geliyê Zîlan, ji Dêrsimê, heya Şêngalê, ji Rojavayê Kurdistanê, Efrînê û berxwedaniya niha ya li dijî tunebûna ku li ser hebûna gelê Kurd tê ferzkirin... Efrîn jî yek ji wan berxwedaniyên dîrokî ye ku mirov dikare di dîroka wê de kurtedîroka tevahî Kurdistanê bibîne.