لە ڕاپەرین زبڵ و خاشاکی ماڵان مەترسی دروست کردووەو ڕێوشوێن دەگیرێتەبەر
فەرمانگەی ژینگەی راپەڕین سەبارەت بە سوتاندنی ئەو خۆڵ و خاشاكەی ماڵان كە فڕێ دەدرێن و مەترسی دروست کردووە، ڕێوشوێنی پێویست دەگرێتەبەر.
![](https://jinhaagency1.com/uploads/so/articles/2024/06/20240604-xoll-jpg9776b2-image.jpg)
ناوەندی هەواڵ
لە ڕاگەیەنراوێكدا فەرمانگەی ژینگەی ڕاپەڕین ئاماژەی بەوەکرد، لیژنەی چاودێری و بەدواداچونی فەرمانگەی ژینگەی راپەڕین لەهۆبەی پشكنین و بەدواداچوون سەردانی شوێنكیان كردووە كە نزیكە لە بەڕێوەبەرایەتی گەشتوگوزاری راپەڕین، سەردانەكە بەمەبەستی بەدواداچوون بوە بۆ ئەو پاشماوەو خۆڵ و خاشاكەی ماڵان کە لەو شوێنەدا فڕێدەدرێن و دەسوتێنرێن.
فەرمانگەكە ڕاشیگەیاندووە، بۆ چارەسەركردنی ئەم گرفتە ژینگەییە ڕێوشوێنی پێویست دەگرنەبەر.
لە ڕاگەیەندراوەکەدا هاتووە: ئەو پاشماوەیەی فڕێدراوە لەو شوێنانە بووەتە هۆی مەترسی بۆ سەر دانیشتووانی ئەو ناوچەیە، هەروەها بۆنێكی ناخۆشی لێ بڵابوەتەوەو سیمایەكی ناشیرینیشی بەو شوێنە بەخشیوە .