نورشان عەبدی

 

کۆبانێ-ژنانی کۆبانێ، لە ناوچەی باکوور و ڕۆژهەڵاتی سووریا، هاوسۆزی خۆیان لەگەڵ ژنانی پێکهاتە جیاوازەکانی سووریا دووپات کردەوە، پێیان وایە یەکخستنی ڕیزەکانیان لە سەرانسەری هەموو ناوچەکانی سووریادا دەبێتە هۆی ئەوەی بتوانن بەرگری لە مافەکانیان بکەن.

 

ژنانی سووریا هیوایان خواست، دوای ڕووخانی ڕژێم، بۆ دامەزراندنی سیستەمێکی دیموکراتی کە تێیدا ڕۆڵێکی دیار لە هەموو ئاستەکاندا بگێڕن، هەروەها بۆ داڕشتنی دەستوورێک لەسەر بنەمای هاوڵاتیبوون،بەڵام هیچ کام لەمانە بەدی نەهاتن، لە مانگەکانی یەکەمی دەستبەسەرداگرتنی هەتەشەوە دەستیان کردووە بە ئەنجامدانی کۆمەڵکوژی دژی ژمارەیەکی زۆر لە پێکهاتەکان، ئەمڕۆ ئەم پێکهاتانە لە ترسی پێشێلکاری و هێرشەکاندا دەژین.

 

ئەوەی سووریا ئەزموونی دەکات، ڕزگاری نییە، بەڵکو ستەمکارییە بە ناو و ئایدۆلۆژیایەکی جیاوازەوە

سەبارەت بەو پێشێلکاری و هێرشانەی کە ژنان تووشی دەبن، هەروەها گرنگی ڕۆڵی ژنان لە بونیادنانی سووریایەکی نوێ و داڕشتنی دەستوورێک کە هەموو پێکهاتەکان و گروپەکان بپارێزێت، هەروەها مافەکانی ژنان، لوجەین سەلام، ئەندامی کۆردیناسیۆنی کۆنگرەی ستار لە کۆبانێ، وتی: ئێمە لە سەدەی بیست و یەکداین، کە بە سەدەی ئازادی ژنان ناسراوە، لە ڕێگەی شۆڕشەکەیانەوە، دەستکەوتەکانیان، خەباتیان، کە لە ڕێگەیەوە بوون و قەوارەی خۆیان سەلماندووە و ناسنامە و پێگەی خۆیان پاراستووە، لە سووریا ئەمڕۆ سەرەڕای هەموو ئەو دەستکەوتانەی ژنان بەدەستیان هێناوە، لە پێش هەموویانەوە ژنانی کورد، کە شۆڕش و خەباتیان بووەتە نمونەیەک بۆ هەموو ژنانی ئەم سەردەمە، شاهیدی ئەوە دەبین کە ژنان تووشی چەندین پێشێلکاری و هێرش دەکرێنەوە.

 

ئاماژەی بەوەشکرد، ئەوەی ئەمڕۆ گەلی سووریا ئەزموونی دەکات، قۆناغی دوای ڕزگاری نییە، وتی: ئێمە ژنانی باکوور و ڕۆژهەڵاتی سووریا زۆر کاریگەریمان لەسەر دۆخی ژنانی پێکهاتە عەلەوی و مەسیحی لە ناوخۆی سووریادا هەیە، ژنان بەشێوەی جۆراوجۆر تووشی توندوتیژی دەبنەوە، ئەمەش ئەوە پشتڕاست دەکاتەوە کە ئەوەی ئەمڕۆ سووریا ئەزموونی دەکات، ڕزگاربوون نییە لە ڕژێمی پێشوو، بەڵکو زیاتر هەمان ستەمکارییە، بە ناو و ئایدۆلۆژیایەکی جیاوازەوە.

 

ئاماژەی بەوەشکرد، ژنانی عەلەوی تووشی ڕفاندن و کوشتن و دەستدرێژیکردن بوون، هەروەها ژنانی مەسیحی لە ئەنجامی هێرشە تیرۆریستییەکەی سەر کڵێسای مار ئیلیاس کارەساتێکیان بەسەردا هاتووە، بۆیە پێیان دەڵێین کە ئێمە پشتگیریان دەکەین و هەست بەوە دەکەین کە هەریەکەیان بە چیدا تێدەپەڕن، و کارەساتەکەیان کارەساتەکەی ئێمەیە.

 

پێویستە ژنان یەکبگرن و یەکدەنگ بن

لوجەین سەلام ڕوونیشیکردەوە، پێویستە ژنانی سووریا خەبات و خۆڕاگری و شۆڕشی ژنان لە باکوور و ڕۆژهەڵاتی سووریا بە نموونەی خەبات بۆ خۆیان بزانن، بۆ ئەوەی بتوانن بەسەر ترسدا زاڵ بن و دژی نادادپەروەری و ستەمکاری بوەستنەوە بۆ داواکردن و گەیشتن بە مافەکانیان، بە یەکخستنی ژنان، سووریایەکی ئازاد و دیموکراتی بەدەست دەهێنین، پێویستە ژنانی سووریا لەسەر بنەمای بە فەلسەفەی ژیان و ئازادی ژنان و بیرکردنەوەی ڕێبەری گەلی کورد عەبدوڵا ئۆجالان ئامانجمان بەدیهێنانی ئاشتی و کۆمەڵگایەکی دیموکراتیک، بەم شێوەیە پێکەوە سووریایەکی ئازاد و دیموکراتی بونیاد دەنێین کە هەموو پێکهاتەکانی بپارێزێت و لە چوارچێوەی دەستووری نوێدا مافەکانی ژنان ببەخشێت.

 

بێریڤان جومعە، کارگێڕ لە نوسینگەی ژنانی تەڤگەری کۆمەڵگەی دیموکراتیک لە کۆبانێ وتی: ئێمە لە ڕێگەی تۆڕی کۆمەڵایەتییەوە دەبینین کە لە ناوخۆی سووریا چی ڕوودەدات و گەلی سووریا بە پێکهاتە و مەزهەبی جۆراوجۆر چی بەسەر دەبەن، هەروەها چۆن ژنان زۆرترین کاریگەرییان لەسەرە بەهۆی ئەو پێشێلکاری و هێرشانەی کە ڕوودەدەن، منداڵان بەدەست ئەو ئایدۆلۆژیای جیهادییەوە دەناڵێنن کە دژی گەل و پێکهاتەکانی ناو سووریا پەیڕەو دەکرێت.

 

ئاماژەی بەوەشکرد، جیهادییەکانی هەتەشە لە ڕووی ناوەوە جیاوازن لە ڕژێمی پێشوو، بەڵام هەمان ئایدۆلۆژیایان هەیە، ژن هێشتا لە سووریا پەراوێزخراون، دوای ڕووخانی ڕژێم ئەمە نەگۆڕاوە، بە هەمان عەقڵیەت و ئایدۆلۆژیا، بوونی ژنان لە ڕژێم و دەستووردا پەراوێز دەخرێن، ئەم دەسەڵاتە خاوەنی ئایدۆلۆژیایەکی جیهادییە کە پیاو باڵادەستە و بە ئەشکەنجە و کۆمەڵکوژی و دەستدرێژی ژنان دەکاتە ئامانج.

 

"بە خەباتی ئێمە شۆڕشی ژنان فراوانتر دەبێت بۆ ناوچەکانی دیکە"

وتیشی: ئێمەی ژنانی کۆبانێ بە پشتیوانی و هاوسۆزی لەگەڵ ژنان لە هەموو ناوچەکانی سووریادا دەوەستینەوە، بە خەباتمان شۆڕشی ژنان لە ناوچەکانمان بۆ ناوچەکانی دیکە درێژ دەکەینەوە. بە فەلسەفەی ژن و ژیان و ئازادی کۆمەڵگەیەکی سیاسی دیموکراتی و ئازاد و سووریایەکی فرەیی و لامەرکەزی کە دەستوورەکەی مافەکانی ژنان مسۆگەر بکات، بونیاد دەنێین.

 

ئاماژەی بە ئەزموونی ژنانی باکوور و ڕۆژهەڵاتی سووریا لە ڕووبەڕووبوونەوەی داعشدا کرد، ژنانی ناوچەکانمان ئەزموونیان هەیە لە شەڕی داعش و تێکشکاندنی، هەروەها لە ئەنجامدانی شۆڕشێک بەناوی ژنانەوە، بۆیە ئێمە خەبات دەکەین و بەردەوام دەبین لە بەرخۆدانمان، بە گیانی خەبات و بەرخۆدانی کۆبانێ، بۆ ڕزگارکردنی هەموو ژنان لە هەموو پێکهاتەکانی سووریا، بەم کارەش سووریایەکی ئازاد و دیموکراتی بونیاد دەنێین.