رەنا جونی

 

لوبنان ـ شارۆچکەی شەقرا لە باشووری لوبنان ڕووبەڕووی دۆخێکی نوێی سنووری بووەتەوە و کەوتووەتە هێڵی ڕاستەقخۆی بەرکەوتن لەگەڵ قەیرانە مرۆیی و ئابوورییە پەرەسەندووەکان، لەم دۆخەدا، رەنا ئەمین و کچەکەی ریم کورتەی چیرۆکی خۆڕاگریی ژنانی باشووری لوبنان نیشان دەن لە بەرامبەر ئامێری جەنگ و فشارە بژێوییەکاندا، بە توندی دەستیان گرتووە بەو پیشە دەستییانەی کە لە پڕۆژەی ژینگەیی و هونەرییەوە بوون بە هاوڕێی ڕووبەڕووبوونەوە و ژیان.

 

لە قەیرانی زبڵ و خاشاکەوە بۆ پیشەی خۆڕاگری

 

 

چەند ساڵێک لەمەوبەر، رەنا ئەمین چارەسەرێکی ژینگەیی و سەرچاوەیەکی ئابووری بۆ خێزانەکەی داهێنا، کاتێک دەستی کرد بە کۆکردنەوەی کیسە پلاستیکییەکان کە چەندین ساڵیان دەوێت تاوەکو دەتوێنەوە، پاشان وردکردن و چنینەوەیان بە قولاب بۆ دروستکردن و گۆڕینیان بۆ فەرش و کەلوپەلی ناوماڵ.

 

ئەم پڕۆژەیە کە لە سەرەتادا بۆ ڕووبەڕووبوونەوەی قەیرانی پاشماوەکان لە لوبنان دەستی پێکرد، ئەمڕۆ بووەتە هاوڕێی ڕێگەی لە ئاشتی و لە کاتی هێرشەکانیشدا، سەرەڕای بۆردومان و هێرشە نزیکەکان لە شارۆچکەکەیان، بەڵام قولاب لە دەستی نەکەوتووە و پیشەکەی بووەتە "خاڵێکی ڕووناکی لە ناو ژاوەژاوی جەنگدا".

 

چیرۆکی رەنا ئەمین لە کاتێکدا دێت کە زیانە ئابوورییەکانی هێرشەکانی ئەم دواییەی سەر باشووری لوبنان تێپەڕیون بە چەندین ملیار دۆلار، لەو کاتەی کارگە و پیشەسازییەکان ڕووخان و بوون بە خاشاک، رەناش لەم زیانانە بێبەش نەبوو  بە جۆرێک کارگەکەی زیانی گەورەی پێگەیشت و ماندووبوونی چەند مانگێکی کارکردن، چنینەوە و فەرشە ئامادەکراوەکان هەموویان فەوتان.

 

هەروەها بە پەژارەوە دووپاتی کردەوە، کە هێرشەکان هەموو شتێکیان دزی و خەڵک ئێستا لە پێشینەکانی تریان هەیە، لە کاتێکدا هیچ سەندیکا یان پشتگیرییەکی فەرمی نییە کە پارێزگاری لە پیشەوەرانی لوبنان بکات، ئەمەش ناچاری دەکات کە گەشتەکەی لە سفرەوە دەستپێبکاتەوە.

 

فڵچەیەک لەسەر گۆزە بۆ لەبیرکردنی بۆردومان

 

 

لە بالکۆنی ماڵەکەوە کە دەڕوانێتە شارۆچکە دراوسێیەکان، ریمی تەمەن ٢٠ ساڵ لە تەنیشت دایکی دانیشتووە و پارچە گۆزە بێدەنگەکان دەگۆڕێت بۆ تابلۆیەکی پڕ لە خەون و هیوا، ریم، کە پێش جەنگ لە ستۆدیۆ بچووکەکەی بۆ دابینکردنی بژێویی ژیانی پشتی پێ دەبەست، کارەکەی ئێستای بە "هونەری جەنگ کە هەرگیز نامرێت" پێناسەدەکات.

 

وێنەکێشان بووەتە تەنها هەناسەدانی بۆ ئەوەی دەنگی بۆردومانە بەردەوامەکان لەبیر بکات، ئاواتەکەی فراوانتر بووە بۆ ئەوەی وێنەی کاریكاتێر بگرێتەوە کە ڕەنگدانەوەی ڕاستی کۆمەڵگە و هیواکانیەتی.

 

لەناو ئاڵەنگاری دووبارەبوونەوەی ئاوارەبوون و ترسی نەزانراوەکاندا، رەنا ئەمین و ڕیم بە ئاڵۆزییەکانی جەنگ و ئاشتیدا دەژین، جلەکانیان هەمیشە لەناو جانتادا کۆکراونەتەوە، ئامادەن بۆ هەر حاڵەتێکی لەناکاو، سەرەڕای نەبوونی چارەسەری ژینگەیی بۆ قەیرانی نایلۆنی وڵاتەکە و هەڕەشە ئەمنییە بەردەوامەکان و بارودۆخی سەختی ژیان، ئیرادە وەک نیشانەی ژنانی باشووری سودان دەمێنێتەوە، رەنا ئەمین لە کۆتایی قسەکانیدا  ئەم بابەتە کورت دەکاتەوە و وتی: دۆخی ژیان زۆر سەختە، بەڵام کۆڵنادەین و بەردەوام دەبین لە کارکردن.