سنە

 

دوێنێ گۆڕستانی بەهەشتی محەممەدی لە شاری سنە میوانداری ٤٠هەمین ڕۆژی شەهیدانی ژینگەپارێزی حەمید مورادی، خەبات ئەمینی و چیاکۆ یوسفنژادی کرد، بنەماڵەی شەهیدان و هەروەها ژمارەیەکی زۆر لە ژنان و چالاکوانی ژینگەپارێزی شارە جیاجیاکانی سنە و ڕۆژهەڵات ئامادەی مەراسیمەکە بوون، ئەو یادە کە لە کەشێکی ئیرادەی خەباتدا بەڕێوەچوو، هێمای نوێبوونەوەی ئەو بەڵێنە بوو کە بۆ ڕێگای ئازادی درابوو.

 

مەراسیمەکە کاتژمێر ٤ی ئێوارە دەستیپێکرد و دوو کاتژمێری خایاند، بە دروشم و شیعر و گۆرانی پێشکەش کرا، هەروەها لە وتارەکانی ژنان جەختیان لە گرنگی درێژەدان بە ڕێبازی شەهیدان کردەوە و داوای یەکڕیزییان  بۆ ڕێگریکردن لە کارەساتی ژینگەی کرد.

 

شەهیدانی شۆڕشی "ژن، ژیان، ئازادی" یادکرانەوە

هەروەها دایکانی ئاشتی و ژناننی چالاکوانانی شاری سنە بەشدارییان لە مەراسیمەکەدا کرد و پشتیوانی خۆیان بۆ کەسوکاری شەهیدان دووپاتکردەوە و یادی شەهیدانی "ژن، ژیان، ئازادی"یان کردەوە، لە ڕاگەیەندراوەکەدا، ژنانی چالاکوانانی شاری سنە ڕایانگەیاند، بە یەکڕیزی دەتوانین ڕێگری لەم جۆرە کارەساتانە بکەین، هەروەها ڕێگریکردن لە کارەساتی ژینگەی بە بەردەوامی قسەکردن و پەیڕەوکردنی داواکارییەکانمان مەحاڵ دەبێت.

 

خەباتی هاوبەشی ژینگەپارێزان

لە کۆتای مەراسیمەکەدا، نووسراوێک کە لەلایەن چالاکوانی مەدەنی و ژینگەپارێزییەوە ئامادەکرابوو لەگەڵ بەشداربووان دابەشکرا، نوسراوەکە  بریتی بوو لە داواکارییەکانی وەک پشتیوانی لە کەسوکاری شەهیدان، پاراستنی مافی ئەو کەسانەی کە ژینگە و نیشتمان دەپارێزن، دەستەبەرکردنی ڕوون لە پرۆسەکانی کارەساتی ژینگەی، ڕێگریکردن لە ئاگرکەوتنەوە بە ئەنقەست، دامەزراندنی ناوەندی ئاگرکوژێنەوە بە ئامێری تایبەت لە ئابیدەر، و بەرەوپێشبردنی هۆشیاری ژینگەی، نووسراوەکە بە واژۆی ژنان و پیاوان پەسەند کرا، کە ئیرادەیەکی هاوبەش لە خەباتی ژینگەپارێزیدا نیشان دەدا.